સુનું સુનું લાગે સજના….

વેલકમ બેક.

ના ના . તમને નહિ, મને ખુદ ને જ કહું છું !

મિની વેકેશન પૂરું ને તમારા બધા સાથે વાતોના વડાં તળવાનું શરુ !

તો પહેલા ચૂકવી દઉં ટેક્સ.

આવો અંતરાલ પડે એટલે બોનસ રૂપે તમને ‘રેર’ કહેવાતા મ્યુઝીકની મેહફિલ આપવાનો સેલ્ફ કમાન્ડ આપ્યો છે. યાદ છે ને – થોડા સમય પહેલા ભારતભરમાં ‘કિસના’ ફિલ્મની કોઈ સીડીમાં પણ ઉપલબ્ધ નથી એવું રાતનું દુર્લભ ગીત આપ બધા માટે મુકતું હતું અહીં ?

તો આજે જુદો મૂડ, જુદો મિજાજ. એક્ચ્યુલી બધા દોસ્તોને ગઈ કાલ ( ૯ નવેમ્બર)નું દિલથી લખાયેલું રોમેન્ટિક ‘અનાવૃત’ ખૂબ ગમ્યું. એટલે થયું ચાલો પ્રણયનો લય સંભળાવી દઈએ.

તો આ છે, સુરતના કવિયત્રી પ્રજ્ઞા વશીની રચના પરથી ટેરિફિકલી ટેલેન્ટેડ સંગીતકાર મિત્ર મેહુલ સુરતીએ કમ્પોઝ કરેલું અને પાર્થિવ ગોહિલ તથા દ્રવિતા ચોક્સીએ કંઠ જ નહિ, કાળજાંથી ગયેલું એક અદભૂત ગુજરાતી પ્રેમગીત !

મેહુલ વિષે લખવા બેસીશ , તો આખો લેખ લખાઈ  જશે. પણ એના સંગીતની મહોબ્બતમાં વગર ઓળખાણે ડૂબ્યા પછી એ એટલો જ દિલદાર દોસ્ત પણ બનીને રહ્યો છે. બિલકુલ શબ્દો ચોર્યા વિના કહું તો એ એ.આર.રહેમાનને ગુજરાતનો જવાબ છે. (આ એને મળ્યા પહેલા એના પરફોર્મન્સ પરથી  જ કહી ચુક્યો છું! ) સુગમ સંગીત ટિપિકલ ફોર્મેટમા દુર્ગમ બની રહ્યું છે, ત્યારે મેહુલ એકલપંડે એમાં તાજગીની લહેરખીઓ લહેરાવી રહ્યો છે. એને કોઈ ચોકઠામાં ફિટ બેસાડી શકાય તેમ નથી. સંગીતનો એનો ધોધ બેસુમાર ઉછળે છે. અવનવા પ્રયોગો સાઉન્ડમાં મ્યુઝીકની મીઠાશ ઘટવાને બદલે વધે એમ એ કરે છે.

આ ગીત ‘સજના’ આંખો મીંચીને અહીં ક્લિક કરી સાંભળો. કોઈ પણ હિંદી ફિલ્મના સુપરહિટ એવરગ્રીન રોમેન્ટિક સોંગથી એ દોરાવાર ઉતરતું નહિ લાગે (હા, ચડિયાતું જરૂર લાગશે !) એની આ લેખિત ગેરેન્ટી છે ! (મારાં મનમાં તો આ ગીતનો આખે આખો મ્યુઝિક વિડીયો રેડી છે ! શીઈઈસ..હસવાનું નહિ, ‘મનમાં’ ..કહ્યું ને )

જો આ ખરેખર મને ગમ્યું, એટલું તમને ગમે તો કોમેન્ટજો. મેહુલના બીજા આવા જ વીણેલાં સુર મુકતો રહીશ. પ્રોમિસ.

અને હા , આપણા સંવાદ વિના જે  ‘સુનું સુનું લાગવા’નો  ખાલીપો છે , એ અહીં આબાદ ઝીલાયો અને રેલાયો છે, એટલે નવી ઇનિંગનું પરફેક્ટ ઓપનિંગ પણ ખરુંને !

બસ, વાત બંધ, સંગીત શરુ. :-”