~~~~~આ પોસ્ટના અંતે ૫ વિડિયોઝ અપડેટ કરેલાં છે, જે સમય કાઢીને જોઈ જવામાં ગમ્મત સાથે ઘણું જ્ઞાન મળશે ~~~~~
ડિયર ટીચર્સ,
છઠ્ઠા પગાર પંચના અમલ માટે અભિનંદન, અને હજુ યે રીક્ષાવાળા કરતાં ય ઓછી કમાણીવાળા ફિક્સ વિદ્યાસહાયકપણા અને ખોટા પગારોના આંકડામાં સાચી સહી કરીને સ્વનિર્ભર સંસ્થાઓનું સ્વાસ્થ્ય તગડું બનાવવા માટે અફસોસ.
…અને દોસ્તો, અંગ્રેજીનું પેલું વિખ્યાત ક્વૉટ યાદ આવી ગયું કે એજ્યુકેશન લોકોને વાંચતાં લખતાં તો શીખવાડે છે, પણ શું લખવા-વાંચવા જેવું છે (કે નથી!) તેની પસંદગી શીખવાડી શકતું નથી!
બસ મારા વ્હાલા શિક્ષકમિત્રો, અહીં જ તમારો રોલ શરૂ થાય છે. નેવું હજારની ફી ભરીને જે શિક્ષણ સ્ટુડન્ટ મેળવી ન શકે, એ કોઈ ખરો જ્ઞાનપ્યાસી જીવ નેવું રૂપિયાની ફી ભરીને લાયબ્રેરી કે સાયબર કાફેમાં શીખી શકે છે. ૨૧મી સદીના શિક્ષકે પાઠ વાંચી જવાનો નથી, એમાં વિદ્યાર્થીઓને રસ લેતા કરવાના છે. રસ પડશે, તો પછી પાઠ આપોઆપ વિદ્યાર્થીઓ જ વાંચતા થઈ જશે. હવે ‘ઓપન એર બૂક્સ’નું શિક્ષણ ગયું, હવે તો ‘ઓપન યોર માઈન્ડ’નો જમાનો છે. અગેઈન, માલ્કમ ફૉર્બ્સનું વિશ્વવિખ્યાત ક્વૉટ. શિક્ષણનો હેતુ ખાલી દિમાગને (શુષ્ક માહિતીથી) ભરી દેવાનો નથી, પણ ખાલી દિમાગના સ્થાને ખુલ્લા દિમાગ ઘડવાનો છે!
આપ બધા ભણાવો છો, લોકો ભણે છે. પણ હજુ ખુલ્લા બનતા નથી. ખાલી જ રહે છે. ભારતમાં ઓનર કીલિંગ થાય છે. ટેરરિઝમ છે. વીસમી સદીમાં નહોતો એટલો વસમો જ્ઞાતિવાદ છે. સમાજમાં શિક્ષણનું પ્રમાણ આટલું વધે છે, તો ટ્રાફિક સેન્સ કેમ વધતી નથી? આટલી બધી કન્યાકેળવણી થયા પછી પણ કેળવાયેલાં કન્યારત્નોને કેમ પછાત, રિગ્રેસીવ, વાહિયાત માન્યતાઓ, ફિલ્મો અને સિરિયલો જ ગમ્યા કરે છે? શિક્ષિત લોકો મોંઘી ટિકિટ ખર્ચીને સસ્તા ગુજરાતી ટુચકા પર હસ્યા કરે છે?
શિક્ષકે શું ઘેર લઈ જવા માટે હોમવર્ક જ આપવાનું છે, વિદ્યાર્થીઓને? સોરી સર, સોરી મેડમ. તમારે એમને એક વિચારતું, વિકસતું અને વિસ્તરતું ભેજું આપવાનું છે, શાળામાંથી છૂટે ત્યારે ઘેર લઈ જવા માટે! એમની ગેરમાન્યતાઓના બંધિયાર દરવાજાઓના કાટ ખાઈ ગયેલા નકૂચાઓ દાંત ભીંસીને ઉઘાડવાના છે. એમનો એટિટ્યૂડ બદલાવવાનો છે. એમની એક આંખમાં સપના અને બીજી આંખમાં આશા આંજવાની છે.
ક્યારેક તો એમના દફતરમાં નોટબુક્સ, વર્કબૂક્સ, સ્વાઘ્યાયપોથીને બદલે કશીક આજીવન યાદ રહી જાય એવી કોઈ સરસ વાત મૂકો ને! એમને ગમી જાય એવું કશુંક કુતૂહલ એમની ફૂટપટ્ટી, પેન્સિલ, સંચા સાથે કંપાસમાં ગોઠવોને! બહુ બધી નહિ, તો એક-બે ઉપયોગી આદત એમને યુનિફોર્મ સાથે પહેરાવોને! સર્ટિફિકેટ ઓફ ઓનરની સાથે એને ઓનરથી જીવવા જેવો એકાદ સિદ્ધાંત છાતીએ કોતરીને મઢાવી આપોને!
તમે લોકો અકળાઈને કહેશો, એમ કેવી રીતે આ બધા જડસુઓના દિમાગ ખુલ્લા થાય? ગુરુવર્યો, એની ગુરુચાવી જ એ છે કે પહેલા આપણું પોતાનું દિમાગ આપણે ખુલ્લું કરવું પડે. નવી વાતોને સ્વીકારવી પડે, જૂની ભૂલોને કબૂલવી પડે. ભારતમાં શિક્ષણસંસ્થાઓ છે, પણ શિક્ષણ બહુ ઓછું છે. અઘ્યાપકો-શિક્ષકો બીડી-ગુટકાના બંધાણી છે. શિક્ષિકાઓ ગોસિપમાં વ્યસ્ત છે. પગાર પૂરો મળ્યા પછી પણ પરફોર્મન્સ પૂરું કરવું નથી. આપણી ક્રિકેટ ટીમ અને આપ બધા વચ્ચે ખાસ્સું એવું સામ્ય છે. કોઈ વાર એકાદ ખેલાડીની કુશળતા કે પરફોર્મન્સ પર આખી ટીમને જીતનો જશ મળી જાય છે, પણ બાકી જેટલાં શૂન્યો ચેકમાં ઉમેરાય છે,.. એટલા મેદાન પર રન ઉમેરાતા નથી!
સજ્જ બનો, સાહેબો. રજાના દિવસે, વેકેશનમાં થોડુંક પોતાના સબ્જેક્ટનું હોમવર્ક કરો – ફોર એ ચેન્જ. તમારા સબ્જેક્ટના કેટલાં પુસ્તકો અને મેગેઝીન્સ સ્વખર્ચે વધી ગયેલા પગારમાંથી મંગાવો છો? ઈન્ટરનેટ પર સર્ફિંગ કરી સ્ટુડન્ટસ સાથે શેર કરવા જેવી કેટલી વેબસાઈટની માહિતી રાખો છો? ખબર છે, આપ બધા ખૂબ સંમેલનો કરો છો. જાત-ભાતના સેમિનાર્સમાં પેપર રીડિંગ કરીને પોઈન્ટ સ્કોર કરો છો. પણ આ બઘું ગોખેલું, ઉધાર-ઉછીનું લીધેલું, બે-ચાર આડાઅવળા સોર્સમાંથી ‘કોપી’ કરેલું જ્ઞાન છે. જ્ઞાન નથી, પણ જ્ઞાનનો દેખાડો છે.
કેમ નવી કોઈ પેટન્ટ મળે એવો ધમાકેદાર રિસર્ચ રિપોર્ટ પીએચડીમાં રજૂ નથી કરાતો? કેમ થીસિસ બધી બની ગયેલી, ચવાઈને ચુથ્થો થયેલી જૂનીપુરાણી થીમના જ હોય છે? એમાં કશું ફ્યુચરિસ્ટિક નથી હોતું? કરન્ટ નથી હોતું? સેલફોન પર પ્રતિબંધ આવ્યો શાળા-કોલેજોમાં. કેટલાકે તરફેણ કરી, કેટલાકે વિરોધ. પણ અત્યાર સુધીમાં આપ બધામાંથી કોઈએ કશો ઓથેન્ટિક રિપોર્ટ કર્યો મોબાઈલ, ટીવી, ઈન્ટરનેટથી બદલાતા (બગડતા કે સુધરતા જેવા પૂર્વગ્રહો નહિ, જસ્ટ બદલાતા) શિક્ષણ અંગે? નવી ટેકનોલોજીને સિલેબસમાં સામેલ કરવા અંગે?
અને સામેલ કરવું એટલે કોમ્પ્યુટરની જેમ એક લેબ ઊભી કરીને એનું પેપર દાખલ કરવું, એમ નહિ. એનો ભણતરમાં એક હથિયાર તરીકે ઉપયોગ કરવો! સૂર્યમાળા પણ કોમ્પ્યુટર દ્વારા ક્લાસમાં બતાવી શકાય અને સરિસૃપોની શીતનિન્દ્રા પણ! હિન્દ છોડો આંદોલનનો ઇતિહાસ અને સરદાર સરોવર ડેમની ભૂગોળ પણ! બોલપેન જેવા જ આ બધા નવા ડિજીટલ ડિવાઈસ એક ટૂલ છે, મોડર્ન એજ્યુકેશનના! આઘુનિકતા એટલે નવા ગોગલ્સ, નવી પેટર્નના ડ્રેસ નહિ, આઘુનિકતા એટલે જૂનાં બંધનો, અંધવિશ્વાસુ નિયમો, પરંપરાના ચોકઠાંમાંથી આઝાદ થવું!
શિક્ષણની આખી પ્રક્રિયાને માત્ર એક શબ્દમાં જ મૂકવી હોય તો? વર્ષો પહેલાં એ જવાબ જગતને ભારતે આપેલો છે. પૃથ્વી પર દરેક શબ્દ, દરેક ઘટના, દરેક શિલ્પ, દરેક સર્જન પાછળ એક રસપ્રદ કહાની હોય છે. ક્યારેય વિસ્મય થયું છે એ સમજવાનું? જેના વિશે ઉંચી ડોકે આપણે મફતિયો ગર્વ જ પંપાળ્યા કરીએ છીએ, એવી એક મહાન વિદ્યાપીઠ હતી ભારતમાં – નાલંદા. કેટલાએ તસ્દી લીધી છે, એનો અર્થ સમજવાની? શબ્દો યાદ કરવા એ શિક્ષણ નથી, અર્થ સમજવો એ શિક્ષણ છે. નાલંદા એટલે ન અલમ દા. મતલબ, આટલું પૂરતું નથી!
ડિસ્કવરી ચેનલની કેચલાઈન યાદ આવી ગઈ? એક્સપાન્ડ યોર હોરાઈઝન્સ! ધરતી-આકાશ જ્યાં એકમેકમાં ઓગળતા હોય એ ક્ષિતિજને કદી સ્પર્શી નથી શકાતી, જેમ એને પકડવા ચાલો, એ દૂર ભાગતી જાય! પણ એ યાત્રા અવનવા અનુભવો આપે, નવી સમજ, નવી દિશા આપે. જૂની વ્યાખ્યાઓ તોડે એવું ફ્રેશ લર્નિંગ આપે. શિક્ષણનું પણ આવું જ છે. એમાં ભૂતકાળનો આદર છે, વર્તમાનનો સાક્ષાત્કાર છે અને ભવિષ્યનું ઘડતર છે.
બસ, એ માટે સતત શિક્ષકે ચાલતા રહેવું પડે. સ્થિતિઊર્જાનું ગતિઊર્જામાં રૂપાંતર કરતાં શીખવું પડે. પથ્થર જેવા વિદ્યાર્થીઓને પડતા મૂકી, બાકીની ભીની માટી પર ફોકસ કરવાની કુશળતા જાણવી પડે.
તમને ખબર છે પ્રિય મિત્રો, તમારી ઊંમર નોકરીમાં જેમ જેમ વધતી જશે, એમ એમ તમારા વિદ્યાર્થીઓની ઘટતી જશે. વિદ્યાર્થી હમેશાં ચિરયુવાન જ રહેવાનો છે. માટે અઘ્યાપક કે શિક્ષકને ઘરડાં થવું પાલવે નહીં. કરચલીઓ તન પર પડે છે, મન પર નવું શીખવાની ઈસ્ત્રી ફેરવી શકાય છે!
રિસ્પેક્ટેડ ટીચર્સ, રંગીન બનો, શોખીન બનો, કાબિલ બનો, ઝિંદાદિલ બનો. વિદ્યાર્થી તમારી વાણીમાંથી નહિ, વર્તનમાંથી અનુકરણીય આચરણ ગ્રહણ કરતો હોય છે. મૂલ્યો વર્ગમાં રોપવાં હોય, તો પહેલાં ખુદમાં ઉછેરવાં પડશે. તમે ગાઈડ છો, ગાર્ડિયન નથી. છોકરાઓ કેવાં કપડાં પહેરે છે કે કેવા સેલિબ્રેશન કરે છે – એમાં તમારું ઘ્યાન જ કેમ જાય? જો તમે તમારા કાર્યમાંથી નિષ્ઠાથી ખૂંપેલા હો તો? યાદ રાખજો, કોઈને સતત વખોડીને તેની નજીક જઈ શકાતું નથી.
ક્યારેક વિદ્યાર્થીના નામ-ઠામ કે ઘરપરિવારની વિગતને બદલે એને એના ગમા- અણગમા વિશે પૂછો. એના જીવનની હેપીએસ્ટ એન્ડ સેડેસ્ટ મોમેન્ટ વિશે જાણો. ક્યારેક એની મિથ્યાભિમાની માનસિકતા તૂટે એવી રોકડી ચર્ચા કરવાની ખુદ્દાર ખુમારી રાખો. પણ શિક્ષકે સિન્સિયર બનવાનું છે, સિરિયસ નહિ! લર્નિંગ ઇઝ એક્સાઈટિંગ પ્રોસેસ. ફીલ ધ ફન ઓફ ઇટ. ફક્ત હોંશિયાર જ નહિ, થોડા સ્ટાઇલિશ અને સ્માર્ટ બનો. માત્ર ઘડિયાળ-ઘરેણાં જ નહિ, ચહેરા પર થોડુંક સ્મિત પણ પહેરો!
જો આ બઘું બહુ વધારે લાગતું હોય, પરાણે-પરાણે કરવું પડતું હોય, જોબ પર બોર થઈ જતા હો, ચેલેન્જથી ભાગતા ફરતા હો તો પ્લીઝ એક વહેલી સવારે હસતા મોંએ રાજીનામું લખી નાખવું. વળતર મેળવવામાં જો આપણે મોકો ચૂકતા ન હોઈએ, તો પછી જવાબદારી નિભાવવામાં બહાનાં શા માટે? ભારતમાં ટીચીંગ પ્રોફેશન એક મોસ્ટ સિક્યોર્ડ, મોસ્ટ કમ્ફર્ટેબલ, હાઈ રિટર્ન, લેસ કોમ્પિટિટિવ જોબ છે. એટલે જ એજ્યુકેશન ખાડે ગયું છે!
ક્વૉલિટી માત્ર ઉપરથી આવતા કંટ્રોલથી નહિ, અંદરથી ઊભી થતી સ્પર્ધાત્મક અસલામતીથી પણ જળવાય છે. શિક્ષકના પગાર સમાજમાં સર્વોચ્ચ હોવા જોઈએ, એ સંસ્કાર પ્રોડક્શન પબ્લિક લિમિટેડનો સીઈઓ છે. પણ એની નોકરી કાયમી નહિ, ગુણવત્તાના ધોરણે હંગામી હોવી જોઈએ. ટ્યુશનમાં કમાતા ટીચર્સને ક્યાં સેફ્ટી હોય છે?
અઢળક શૈક્ષણિક વ્યાખ્યાઓના અંગત અનુભવે બે વાત જડી છે: ગુજરાતના ઘણા યુવા ટીચર્સ એમના પુરોગામી જેવા આળસુ નથી. એમનામાં ઉત્સાહ છે, યંગથીંગ્સ સાથેનું સાહજિક કનેક્શન પણ છે. બીજું, જૂના-નવા ઘણા-ખરા શિક્ષકો ફક્ત ‘એક્ઝામિનેશન સીસ્ટમ’ બની રહેતી એજ્યુકેશન સીસ્ટમથી ફસ્ટ્રેટેડ છે, બોર થયેલા છે. સંચાલકો કે સ્ટુડન્ટસ સામે નિખાલસ નહિ બનતા હોય, પણ અંદરખાનેથી એમની સહાનુભૂતિ વિદ્યાર્થીઓ સાથે, અને ખટપટ સામે છે.
તો હમખયાલો, હમદર્દો…. નેકી ઔર પૂછપૂછ? ક્યાં સુધી સત્ય, સાહસ, સંશોધન, સંઘર્ષને ભણાવી દેવાના જ વિષયો સમજશો? સંગઠિત થઈને જૂનો ઢાંચો ફગાવી નવી પઘ્ધતિનાં વધામણાં કરો! બદલી-બઢતી સિવાય ક્યારેક ક્રિએટીવ એક્ઝામ્સ અને ઇમેજીનેટિવ અભ્યાસક્રમ માટે પણ આંદોલન કરો! એકનાં એક ભાષણો સાંભળી ભોજન સમારંભોમાં ગંદકી વધારવાને બદલે જરા પોતાના જ ક્ષેત્રની ગંદકી ઉલેચવાનો પરાક્રમયજ્ઞ કરો.
મોલ, મલ્ટીપ્લેક્સ, મોબાઈલના જમાનામાં ફિલ્મોએ પણ બદલાવું પડે છે, તો સ્કૂલો-કોલેજો કેમ નહિ? કોઈપણ ક્ષેત્રમાં વિકાસ ત્યારે જ થાય, જ્યારે એમાં કામ કરતી ટીમમાં એવરેજ અને એક્સલન્ટ પરફોમર્સ વચ્ચેનો ગેપ ઘટતો જાય! સદનસીબે, રાજ્યથી રાષ્ટ્ર સુધીના વડેરા નેતાઓ શિક્ષણના પરિવર્તન બાબતે પૂરા સંમત છે. પણ વિદ્યાવ્યાવસાયીઓ એકમત છે ખરા?
ફુરસદે રજાનો લાભ લઈ, ગાંધીનગરના અક્ષરધામ ખાતે તૈયાર થયેલો આંતરરાષ્ટ્રીય સ્તરનો (ભારતનો એકમેવ) વૉટર શૉ જોવા જજો. સાયન્સ એન્ડ સ્પિરિચ્યુઅલિટીનો અદ્ભુત અનુભવ તો થશે જ, પણ ભારતીય વારસાનું એક સ્વર્ણિમ પ્રકરણ યાદ આવશે – યમ, નચિકેતા સંવાદનું! કઠોપનિષદના આ બાળનાયકે યમ પાસેથી સેંકડો વર્ષોનું આયુષ્ય, સમ્રાટના રાજપાટ, વિશ્વના વૈભવવિલાસ, હેલ્થ-વેલ્થ-પાવર બઘું જ મૂકીને શું માગ્યું હતું?
જ્ઞાન!
હે જ્ઞાનમાર્ગીઓ, હેરી પોટરથી સ્ટાર વોર્સ સુધીનું તેજ તમને પ્રાપ્ત થાઓ એ જ પ્રાર્થના. પણ શિક્ષક દિને જો બદલાશો નહિ, તો બદલશો કેવી રીતે? રજનીશથી લઈને બિલ ગેટ્સ સુધીના શિક્ષકો આપણને શીખવે છે, માત્ર બે જ શબ્દો: નો (know) એન્ડ ગ્રો (grow). પહેલાં જાણો, પછી વિકસો. શિક્ષણસેતુના આ બે કિનારા છે. શિક્ષક એટલે જ્ઞાનના અજવાળાનો રક્ષક અને અજ્ઞાનના અંધારાનો ભક્ષક!
ઑલ ધ બેસ્ટ. કીપ ઇટ અપ. યુ આર ધ લાસ્ટ હોપ!
લિખિતંગ
શીખતાં બાળક અને શીખવતા શિક્ષકને જોઈને અમથેઅમથું મલકાતું એક બુદ્ધુ બચ્ચું.
ફાસ્ટ ફોરવર્ડ
‘શિક્ષણનો મૂળ હેતુ છે અરીસાઓને બારીમાં બદલવાનો!’
(સિડની હેરિસનું શિક્ષિત થયા વિના સમજી ન શકાય એવું ફેવરિટ ક્વૉટ)
## શિક્ષક દિને ગત વર્ષના લેખનું રિ-વિઝન !:P
>>>આ બોનસ વિડીયો -૧
>>> આ બોનસ વિડીયો -૨
>>> આ બોનસ વિડીયો -૩
>>>આ બોનસ વિડીયો -૪
>>> અને આ બોનસ વિડીયો -૫
***બ્લોગમાં જમણી બાજુના સાઈડબારમાં છેક છેડે નવું ફીચર “છબી-છબછબિયાં” ઉમેર્યું છે. ત્યાં અવનવી તસવીરી યાત્રાઓ થશે. જસ્ટ ક્લિક કરો 🙂
dineshtilva
September 5, 2011 at 9:50 AM
લેખ અને માહિતી સ’રસ.. બ્લોગના લેખમાં શરૂથી અંત સુધી બ્લેક કલરના અક્ષરો હોય તો વાંચવાની સરળતા અને કંટીન્યુતી જળવાય, જરૂરના અને ક્વોતેબલ લગભગ બધા વાક્યો છે. જે બોલ્ડ કરી શકાય.
આ તો ખુબ ગમ્યું: મૂલ્યો વર્ગમાં રોપવાં હોય, તો પહેલાં ખુદમાં ઉછેરવાં પડશે.
LikeLike
jay vasavada JV
September 5, 2011 at 2:04 PM
આભાર દિનેશભાઈ, લેખમાં જો કે મારાં વિચારો છે, માહિતી નથી. બોલ્ડવાળી વાત ખ્યાલ છે, પણ જાણી જોઈને નથી કર્યું. નવીનતાના લેખમાં ય કશું નવું તો હોવું જોઈએ ને ? 😀
LikeLike
dineshtilva
September 6, 2011 at 11:42 PM
“માહિતી”.. mate sorry.
LikeLike
Kunjal D little angel
September 5, 2011 at 12:30 PM
Nice Write Up Sir !
I am ntt a Teacher by profession,
but Destiny made Me ! 🙂
M proud on my self..
I am taking part to build New Generation
Happy Teachers Dy
🙂
– |{£@
LikeLike
darshana
September 5, 2011 at 12:50 PM
જયભાઈ તમારા દરેક લેખ ગુજરાત સમાચારમાં વાંચું છુ, સુંદર અને સરળ રીતે રજૂઆત.
I agree with your thoughts of teachers. Very true….
http://vicharshrushti.blogspot.com/2011/08/blog-post_20.html
LikeLike
Hitesh Dhola
September 5, 2011 at 2:14 PM
Saras !!
LikeLike
hirals
September 5, 2011 at 2:17 PM
🙂
Too good article. આ લેખના વખાણ કરવા માટે શબ્દો ઓછા પડે, સર.
આપના લેખોની એ જ કમાલ છે કે અહી, માત્ર સુષ્ઠુ સુષ્ઠુ, સલાહ ચુચનો નથી હોતા, કે આપ નવી -પેઢી અને જૂની પેઢી એવા ભેદભાવ બતાવીને રોદણાં નથી લખતાં (ગુજરાતી સાહિત્યથી વિમુખ થવાનું મુખ્ય કારણ આ જ છે કે…….)
—–
આપ લખો છો, એ દિલથી લખો છો. સાંપ્રત સમસ્યાઓ અને એને સુલાઝાવવાના ઉપાયો લખો છો. કમાલની કલમ, કમાલનું ઓબ્ઝર્વેશન, અને કમાલની થોટ્સ પ્રોસેસ.
LikeLike
hirals
September 5, 2011 at 2:21 PM
ગયા વરસે રીડગુજરાતી આંતરરાષ્ટ્રીય વાર્તાસ્પર્ધામાં ‘રત્નાનો કેસ’ (એજ્યુકેશન સીસ્ટમ, અને આપણી માનસિકતા, તથા એમાં માતા-પિતાનો રોલ) ઉપર મારી વાર્તાને બીજું ઇનામ મળેલું. આપને ગમશે, એ આશાએ શૅર કરું છું.
http://archive.readgujarati.in/sahitya2/2010/08/30/ratna-case/
I do not have any intension to divert the traffic. pls forgive me if you feel so. It is just I like your thought process on education system, so sharing mine 🙂
Thanks 🙂
LikeLike
jay vasavada JV
September 5, 2011 at 2:37 PM
ફીડબેક માટે આભાર અને વિના સંકોચે શેર કરો…વાર્તા ફુરસદે વાંચી જઈશ ચોક્કસ.
LikeLike
Hetu Joshi
September 5, 2011 at 2:40 PM
No one can teach you better than yourself..
LikeLike
Sachin Desai
September 5, 2011 at 2:57 PM
જયભાઈ, અદભુત…અદભુત. તમારા અગાઉના લેખમાંથી શિક્ષક વિષેના તમારા વિચાર, તમારા રેફરન્સ સાથે મેં મારા આજના ”ડોકિયું” માં લીધા જ છે…
જીવનમાં સ-રસ ભાથું તૈયાર કરવામાં આવા વિચારબીજનો ખુબ મોટો ફાળો હોય છે તેના ઋણ સ્વીકાર સાથે એક પૂર્વ શિક્ષક એવા આપને આજના શિક્ષક-દિનની શુભેચ્છાઓ..
LikeLike
Sachin Desai
September 5, 2011 at 3:01 PM
જયભાઈ, આજના ”ડોકિયું” સહીત મારું ”વોઈસ ઓફ દાહોદ” સાપ્તાહિક વાંચવા માટેની લીંક: http://www.dahod.com
LikeLike
ashwin patel
September 5, 2011 at 3:17 PM
hello sir,
pahle to meri taraf se aapke charno me namaskar, aap ne jo ye likh hai na wo aaj ka hamare is sikshan padhati ke jo jimedar log hai,aur is vypari karan ke jo jimedar hai wo agar ek bar aapke jo ye vicha hai use padh kar samaj ne ki kosis karte hai to me samaj ta hu ki aapko legega ki aapka ye kolam ya phir chota sa msg hai jo hai wo likhna sarthak ho gaya,
hame pata hai ki pura ka pura system hi kharab hai lakin afsos kiya hi kya jaye. -(sub bure hai to hum aache banker kya kare)
LikeLike
pinal
September 5, 2011 at 3:54 PM
એક્સપાન્ડ યોર હોરાઈઝન્સ! ધરતી-આકાશ જ્યાં એકમેકમાં ઓગળતા હોય એ ક્ષિતિજને કદી સ્પર્શી નથી શકાતી, જેમ એને પકડવા ચાલો, એ દૂર ભાગતી જાય! પણ એ યાત્રા અવનવા અનુભવો આપે, નવી સમજ, નવી દિશા આપે.
ekadam saras vat. aa vat khali ek student ne lagu nathi padati. jivan yatra ma pan ek navi disha aape chhe.
શિક્ષકના પગાર સમાજમાં સર્વોચ્ચ હોવા જોઈએ,
aa vat sathe ekdam sammat. je doctor banave eni income doctor thi ochhi na j hovi joiye.
LikeLike
Parth
September 5, 2011 at 4:26 PM
કેમ છો સર..ખુબજ સરસ આર્ટીકલ છે દર વખત ની જેમ…ઘણા વખત પેહલા ફંફોસ કરી હતી તમારા બ્લોગ વિષે પણ ત્યારે જાણવા મળ્યું હતું કે બ્લોગ નથી લખતા તમે..આનંદ થયો તમારો બ્લોગ વાંચી.. વાત શિક્ષણની હોય કે રાજકારણની કે કોઈ ફિલ્મના રીવ્યુની ..તમારા લેખો હંમેશાં વિચારભાથું પીરસી જાય છે..આ બ્લોગ પર હું તક ઝડપી એ વાત તમારી સાથે શેર કરવા માંગુંછું કે “અનાવૃત્ત” અને “spectrometer” વાંચી અનેક બાબતો પર મારું perception જેતે બાબત ના સંદર્ભમાં બદલાયું છે ..એમાં વાત M .f .hussaain ની હોય કે કોઈ ફિલ્મ રીવ્યુ હોય કે દેશ ની કોઈ સમસ્યાની હોય ..હૃદયપૂર્વક ખુબ ખુબ આભાર તમને મારા જેવાને વિચારતો કરી મુકવા બદલ.. ઈચ્છા ખુબ લાંબુ લખવાની હતી પણ સંકોચસહ અહીંજ વિરમું છું..તમારા લેખો દ્વારા મનમાં રોપાયેલા વિચારો માટે તમારો આજીવન ઋણી રહીશ..એક વે ઓફ લીવીંગ અને વે ઓફ થીંકીંગ તમારા લેખો દ્વારા મળ્યું છે ..ફરીથી ખુબ ખુબ આભાર.. થોડું લાંબુ લખી ગયું એ બદલ માફ કરજો ..keep doing good work sir .. શતદલ અને રવિપૂર્તિમાં પેહલો લેખ તમારોજ વાચું છું..k bbye tc sir .
LikeLike
envy
September 5, 2011 at 4:44 PM
jv…SINCE 3rd Sept. I M SWIMMING IN TURBULENT WATER OF OUR EXU. SYS WITH MY DAUGHTER. THE FUTURE IS TOO HAZY FOR INDIAN EDU SYS..SADLY
LikeLike
Arpita
September 5, 2011 at 5:19 PM
video collection is very fine:)
LikeLike
hemant
September 5, 2011 at 6:56 PM
dear jaybhai
how to teach . that a critical question. u see the website khanacademy.com
how that person has try & u feel the u can create class room anywhere.
thanks for your knowledge full articles
LikeLike
vpj100
September 5, 2011 at 7:07 PM
એજ્યુકેશન સ્કુલથી કોલેજ સુધીનું શિક્ષણ ક્રિએટીવિટી, ઇનોવેશન, ઇન્ડિપેન્ડ્ન્ટ થિંકિગ માટે ચાવીરૂપ બનવું જોઇએ.
આપણે ’નોલેજ કેપિટલ’ નહિ, પણ શિક્ષણથી ’ચીપ વર્કફ઼ોર્સ’ બનાવીએ છીએ…! (તમારા શબ્દોમાં….)
અહી Industries છે ઇનોવેશન નથી,
હમણા ગુજરાત માં ‘ગુજરાત ટેકનોલોજી ઇનોવેશન કાઉન્સિલ ‘ બની…
આ વિષે પ્રોફેસરોને પૂછે તો હસી કાઢે છે…કે બધું નામનું છે કંઈ કામનું નથી…!
હવે ‘ટીચિંગ’ ની સદી પુરી થઇ ગઈ છે ને જમાનો છે ‘લર્નિગ’નો…
આજે નોલેજ અને ઇન્ફર્મેશન વચ્ચેનો ગેપ ઓછો થઇ ગયો છે…
મારા માટે તો આદર્શ લેખ…!
થેંક્યું જય’સર’.
LikeLike
miteshpathak
September 5, 2011 at 9:12 PM
ખુબ જ સરસ. સાચે જ ગ્લાની થાય તેવી પરિસ્થિતિ છે. હું છેલ્લા ૮ વરસ થી કોર્પોરેટ ટ્રેઈનીંગ માં છું. બધી જ કમ્પની પ્રત્યેક વરસે ખુબ જ રકમ નું રોકાણ કરે છે ટ્રેઈનર ના પૂરતા વિકાસ માટે. હું પોતે છેલ્લા ૮ વરસ માં લગભગ ૧૫ થી વધુ આ પ્રકાર ના વર્કશોપ માં જઇ આવ્યો છું.
કોઈ પણ શિક્ષક આમ જુવો તો પારસમણી જેવું તત્વ ધરાવે છે. આજે કારકિર્દી તરીકે શિક્ષણ લેનાર ગુરુ મિશન તરીકે નથી લેતો એનું આ પરિણામ છે. મોટા ભાગે આપે જેમ જણાવ્યું તેમ શોષણનો ભોગ બનનાર શિક્ષક પાસે કોઈ વહુ અપેક્ષા રાખવાનો અર્થ નથી. મોટા ભાગે સ્ટોપ ગેપ એરેન્જમેન્ટ તરીકે આજે શિક્ષક જોવા મળે છે. મોટી ફીસ વસુલતા શાળા સંકુલો પણ ફક્ત ઈમારત જ હોય છે. આત્મા ગાયબ હોય છે. સ્વયમ માં કેટલું રોકાણ કરવા ની તત્પરતા છે? તે પરિબળ જ સારા શિક્ષક તૈયાર કરી શકે.
LikeLike
gaurangi
September 5, 2011 at 9:34 PM
Superb article…
LikeLike
JAGRUTI
September 5, 2011 at 11:09 PM
hy JAY WHERVER U HV TIME OK THN READ MY STORY KEM K DHIRAJ RAKHVANU HU TEACHER BNYA PCHI J SIKHI CHU ND HJU SIKHVANU CHALU J CHE.ITS GREAT THT I GOT CHANCE TO SAY SMTHNG TO U HAND BY HAND(OF COURC FACE TO FACE NAI NE BT HOPE TO MEET U SOON) MMNE TEACHER MA INTREST J N HTO PN AS A RIVAJ MUMMY ND PAPA NU MANVU PDYU MNE MIDEA MA INTREST HU NEWS READER TRIKE WORK KRELU RAJKOT MA ND ALSO A TEACHER IN KADVI BAI VIRANI SCHOOL WHERE I THINK UR MOM WS STUDYING.MARAMA AJIB JUNUN KAIK KRVA MATE PN MNE THYU LE TEACHING FIELD MA KAI NVU THODU THAI BT DOST I WS WRONG.KEM K MARA JEVA TEACHER N CHALE J EKDAM FORWARD HOI SCHOOL SIVAI NA TIME MA BINDAS RHE SHORTS SKIRT PHERE EVEN WINE PN TEST KRE(MUMMY NE N KETA HO) BT I WS WRONG ME DHIRE DHIRE J FEEL KRYU TE AMAZING HTU.J KAIK REVOLUTION JEVU HTU MARK JEVU HTU NT HTU OK.KOI VAR HU AAKHA PERIOD MA KHALI VARTA J KETI ATHVA TO CURRENT TOPIC VISE VAT KRTI EVEN ME ALCHOHOL K FILMI GOSIP PR PN GUFTGU KRELU I MEAN HU SIKHI K TEONU MIN DKEM OPEN KRVU ND TYARE ENI ANKH MA AJIB CHAMAK JOI LIKE GIRL NE TENO LOVE FIRST TIME KISS KRE ND J CHAMAK AVE.KOI VAR BEYOND COURSE JAI VATO KRI.EVU TO KAIK PAGALPAN KRELU CHTA MARKS ND MANNER BEST AVYA.HVE MNE GOVT JOB MALI(OF COURS E J 4500 VADI) ND I LEFT THT SCHOOL IT WS JUST 9 DAYS ND STUDENT RING ME IN MY CELL ND SAY “DIDI AVI JAO NE TMARA VINA NAI GMTU” I MEAN LOTS OF STUDENT DAILY CALL ME OR MSG ME I LOVE U DIDI OR I MIS U DIDI THT TIME I REALIZE HW I M IMPORTANT FR THEM.ONE STUDET DROPE THE SCHOOL ND HER DAD COME TO ME ND SAY
“BEN TME AVI NE EK VAR SMJAVO NE TMARI VHDU VATO KRTI HOI CHE”I WENT ND MAKE HER MIND TO COME SCHOOL.HER MOM SAY SHE ALYS ACT LIKE IN HOME THE WAY U TALK SPEAK ND BEHAVE ND EVEN ACT AS U TEACH OR SMILE.THT TIME I JUST SAY TO MY SOUL OH FOR THEM V R LIKE A GOD OR ROLE MODEL.I LL TRY HARD TO GV BEST WAYS FOR OPEN THEIR MIND I DNT WNT TO TEACH THEM I WNT THEY LEARN SELF FIND KNOWLEDGE SELF. SORY FORGET TO TELL I M JAGRUTI I M 23 YEARS OLD ND LIKE A BIRD WHO JUST LEARN TO TWEET IN THE SKY.BDHU CAPS LOCK MA ETLE LKHYU K BDHU IMP CHE OK JODNI NI BHUL NAI KADHTO OK ND BIJI VAT i l LIKE U ND EVEN ONE TIME I TOLD MY FRNDS THT ONE DAY I LL MARRIED TO JAY VASAVDA DNT WORRY THT TIME I M ONLY 20 YEARS HA HA HA OK BYE HOPE TO GET A SWEET SHORT ANS FRM U BYEE SIYAAAAAAAA
LikeLike
siddarth
September 5, 2011 at 11:52 PM
બાળકના શિક્ષણમાં સૌથી મહત્વનો ભાગ ભજવતા પ્રાથમિકશિક્ષણ વિષે સરકારની નીતિઓ કેટલી દોગલી છે તેનું ઉદાહરણ હાલમાં જ ભરતીના નવા નિયમો છે.તાજેતરમાં સરકારે ધોરણ ૫ થી ૮ સુધીની સ્કૂલોમાં બી.એડ થયેલ લોકો ને તક આપી છે.જયારે ૫ થી ૭ ધોરણ તો પી.ટી.સી કોલેજો માં ભણાવવામાં આવે છે પરંતુ તે લોકોને તો પરીક્ષામાં ભાગ જ લેવા દેવામાં નથી આવ્યો. ૫ થી ૭ ની ભરતી બી.એડ થયેલ થી જ કરવાની હોવાછતા પણ હજુ સુધી પી.ટી.સી માં થી તે કોર્ષ દુર કરવામાં નથી આવ્યો.બીજી તરફ સામાજિક વિજ્ઞાન ની ભરતીમાં મનોવિજ્ઞાન અને તર્કશાસ્ત્ર જેવા વિજ્ઞાન ગણી શકાય તેવા વિષયો ને પણ સામાજિક વિજ્ઞાન સંલગ્ન ગણવામાં આવ્યા છે.ખાટલે મોટી ખોડ એ છે કે મનોવિજ્ઞાન અને તર્કશાસ્ત્ર તો ઉચ્ચતર માધ્યમિક ના વિષય છે તો તેના સ્નાતકો ઉચ્ચતર પ્રાથમિકમાં સામાજિક વિજ્ઞાન કઈ રીતે ભણાવશે જેમાં ઇતિહાસ,નાગરિકશાસ્ત્ર,ભૂગોળ જેવા વિષયો હોય છે.અને જયારે હાઈકોર્ટે આ બાબતે જવાબદાર અધિકારી નો ખુલાસો માગ્યો ત્યારે જે જવાબ અપાયો તે તો હાસ્ય-કરુણ છે.”આ રીત ની પરીક્ષા ની પહેલી જ વાર ગોઠવણ કરી હોવાથી થોડી કચાસ રહી ગઈ” શિક્ષકો તૈયાર કરતી સંસ્થાઓ જ જયારે ક્રીએટીવ નહિ હોય એ શું નવીન વિચારસરણી ધરાવતા શિક્ષકો તૈયાર કરશે.”કુવામાં હોય તો હવાડામાં આવે ને!”. સરકાર ગામડાઓમાં શાળાઓ ને કોમ્પ્યુટર આપે છે પરંતુ તેનો ઉપયોગ તો મોટાભાગના નવા શિક્ષકોને પણ નથી આવડતો.કોમ્પ્યુટર લાયકાત નું પ્રમાણપત્ર પણ તેઓ પૈસા આપીને જ લે છે. હકીકતમાં તમે કહેલી એક વાત ખુબ જ યોગ્ય છે કે જે યુવક કે યુવતી શિક્ષક બનવા માગે છે તેઓ માટે તેમના વિષય નું સંશોધનપત્ર ફરજીયાત કરવું જોઈએ જે પાછુ ચીલાચાલુ નહી પણ ખરાઅર્થ માં ક્રીએટીવ હોવું જોઈએ.અંતમાં શિક્ષકદિને વાંચવામાં આવેલ બે મજેદાર ક્વોટસ. ૧.”I’ve never let my school interfere with my education.” બાય માર્ક ટ્વેન.૨”I had a terrible education. I attended a school for emotionally disturbed teachers.” બાય વુડી એલન. શિક્ષકદિને શ્રી કૃષ્ણ,ચાણકય થી માડી સર્વપલ્લી રાધાકૃષ્ણન નું તેજ હે જ્ઞાનમાર્ગીઓં તમને પ્રાપ્ત થાઓ.
LikeLike
Raj Bhatt
September 14, 2011 at 1:38 PM
very good thanks
LikeLike
manoj santhalia
September 6, 2011 at 1:03 AM
જયભાઈ આપનો લેખ ખુબજ ગમ્યો,શિક્ષક દિન નિમિતે ખુબજ ગમ્યુ …આભાર
LikeLike
warimona
September 6, 2011 at 9:24 PM
A man who was completely innocent, offered himself as a sacrifice for the good of others, including his enemies, and became the ransom of the world. It was a perfect .
Mohandas Gandhi
LikeLike
vpj100
September 7, 2011 at 6:28 PM
ટીચર્સ ને ટપાલ સાથે મીઠી ટપલી વાળો લેખ….!
LikeLike
Ashvin Patel
September 10, 2011 at 10:08 PM
Thanks for great write up and motivating me to work better as a teacher.
&
Thanks to my student “Harsh” for providing me an opportunity to visit your website.
LikeLike
Nitin Chotai
September 11, 2011 at 8:04 PM
JAYBHAI
IF U REALLY WANT TO MEET SUCH TEACHER/TEACHERS PLS COME AND VISIT MY DAUGHTER’S SCHOOL(SNK SCHOOL RAJKOT)
LikeLike
Nitin Chotai
September 11, 2011 at 8:06 PM
I MEAN THE SCHOOL AT RAJKOT IS GREAT
THEY HAVE ALL THE THING U WANTED A MODERN TEACHER MUST HAVE
DO VISIT THEY WILL ALSO LOVE IT
LikeLike
jay vasavada JV
September 12, 2011 at 2:30 AM
yes, SNK is nice school n many times i had visited there. i hav known bhalodia family since years.
LikeLike
Vikram Gohel
September 17, 2011 at 4:58 PM
nice article… a must read for all the teachers…..
LikeLike
vishal vora
September 17, 2011 at 8:43 PM
superb awasome truly inspirational and amazing with still reminds the talks of dr. sarvallypally radhakrishna in innovative way i being professor was , am and will try to follow this and remember through out my life and i also give this link to my FB Wall with courtesy of yours obviouslu JV Bhai so thanks for such gr8 article may god bless u hv nice time n life shabba khair at the moment…
LikeLike
imu
December 16, 2011 at 9:30 PM
Teacher is never a common man, rise and fall take shelter in his lap.
LikeLike
imu
December 16, 2011 at 10:19 PM
Mr. Vasavda,
your pen is two edged sword that has cut all the wrong beliefs and superstitions related to education and teaching learning methodology. I am fully impressed with your thoughts and the revolutionary concepts. The conscious and serious reading of your thoughts will definitely change the image of current education system. Teacher is a Friend, philosopher and guide that has now been completely down sided.
imran khan
junagadh
LikeLike
imrankhan86
December 17, 2011 at 10:17 AM
teacher is not a common man, rise and fall takee shelter in his lap.
LikeLike
TARANG JETHVA
April 4, 2012 at 3:38 PM
નાલંદા એટલે ન અલમ દા. મતલબ, આટલું પૂરતું નથી!
VAH SIR TAMARA AAGAL THI NAVU NAVU JANAVANU Bahu male che,
ભારતમાં ટીચીંગ પ્રોફેશન એક મોસ્ટ સિક્યોર્ડ, મોસ્ટ કમ્ફર્ટેબલ, હાઈ રિટર્ન, લેસ કોમ્પિટિટિવ જોબ છે. એટલે જ એજ્યુકેશન ખાડે ગયું છે!
ekdam correct sir
LikeLike
Jayanti
May 8, 2012 at 10:31 AM
Ghani private schooloma aa badlav chalu thayo chhe….pan athwadiyama matra 3 k 4 kalak purtoj, but something better then nothing….jaroor chhe class room ne dharmud thi change karwani….vatavaran ghanu badlwama madad kare chhe….Bahuj saras JV
LikeLike
hirals
June 20, 2013 at 9:38 PM
જયભાઇ,
શિક્ષણજગત સંબંધિત એક સુંદર કામની શરુઆત તો કરી છે, પણ કેટલીક તકલીફો છે. મને આપના જેટલી શિક્ષણજગત અને એના પ્રશ્નોની જાણકારી તો નથી, પણ છતાંય થોડાંક પ્રશ્નો ઉકેલવાના પ્રયત્નો સ્વરુપ ઇવિધ્યાલય શરુ કર્યું છે.
આપને જરુરથી રસ પડશે.
જ્યાં બ્લેક બોર્ડમાં સરળતાથી ન સમજાવી શકાય, પણ ટેકનોલોજીની મદદથી કેટલું સરળતાથી સમજાવી શકાય એ આપ અહિં જોઇ શકશો.,
વર્તુળનો પરિઘ
વર્તુળનું ક્ષેત્રફળ
જો આપને ઇવિદ્યાલયના કાર્યમાં રસ પડે અથવા આપ કોઇ પણ પ્રકારે મદદરુપ થઇ શકો તેમ હોવ, આ કાર્યને આગળ ધપાવવામાં તો જરુરથી evidyalay@gmail.com પર સંપર્ક કરશો.
હું આપની રુણી રહીશ.
LikeLike
Shefali Roy
September 9, 2013 at 3:38 PM
what is your thought on current teacher’s training colleges? Will they train dedicated teachers?
LikeLike