તું જો આજે મારી સાથે જાગશે… ચાંદ થોડો ચાંદ જેવો લાગશે! (અદી મિરઝા)
ચાંદની અને દૂધપૌંઆવાળી શરદપૂનમ ! થોડાઘણા ધાર્મિક ઉત્સવો, મિત્રો સાથેની પિકનિક અને બચીખૂચી નવરાત્રિ નીચોવી લેવા માટેની ખેલૈયાઓની અંતિમ તક સિવાય લોકોને હવે પૂનમ કે અમાસનો ઝાઝો ફરક પડતો નથી. કાં તો શહેરોમાં ચાંદનીની ખબર જ ન પડે એટલું ઝગઝગાટ અજવાળું રહેતું હોય છે, કાં તો ચાંદની પણ પ્રવેશી ન શકે એવું ગાઢ અંધારૂં છવાયેલું રહેતું હોય છે.
ઈસરો ભલે ચંદ્રયાન મોકલવાની તૈયારી કરે, બાળકો ભલે ચાંદામામાના જોડકણા સ્કૂલોમાં ગણગણે… બેઝિકલી, આપણે ચંદુલાલો અને ચંદ્રેશકુમારોની સરભરામાં ચાંદાને ભૂલતા જઈએ છીએ. ‘પોષી પોષી પૂનમડી, અગાસીએ દેખાયા ચાંદ… ભાઈની બહેન રમે કે જમે?’ તો લગભગ ગાયબ થઈ ગઈ છે. ‘ચાંદ છૂપા બાદલમેં’ વાળી કરવા ચૌથ જીંદગીમાંથી નીકળીને ટીવી એડ્સ કે ફિલ્મોમાં સમાઈ ગઈ છે. ‘યૂં શબનમી પહેલે નહી થી ચાંદની’ જેવા ગીતોમાં ગુંજતો ઈદનો ચાંદ રમજાન પૂરો થાય પછી કેટલા ઊંચી ડોકે આસમાનમાં નીરખીને નિહાળે છે? ‘કહો પૂનમના ચાંદને…’ ના રાસોત્સવમાં ઝુમતા ખેલૈયાઓ કે ‘ચાંદો ઉગ્યો ચોકમાં’ની ગરબી જોઈ વિખેરાતા દર્શકોમાંના કેટલા ઘેર જતી સમયે થોડી વાર વાહન પાર્ક કરીને ચંદ્રમાં સામે તાકતા રહેવાનો વૈભવ માણે છે? કેન્ડલલાઈટ ડિનરને રોમેન્ટિક કહીએ, તો મૂનલાઈટ ડિનરને શું કહીશું? સિમ્પલી ઈરોટિક!
વેલ, લોકો કદાચ એવું માને છે કે, સનસેટ તો હિલ સ્ટેશને જ જઈને જોવાનો હોય, આપણા ગામની સીમમાં તો ડુપ્લિકેટ ચાઈનીઝ સૂરજ ઢળતો હશે. ચાંદની રાતમાં તો થ્રી નાઈટસ, ટુ ડેઝના પેકેજમાં બીચ પર જઈએ, ત્યારે જ બેસવાનું હોય.
કદાચ ૧૯૬૯માં માણસ ચંદ્ર પર પહોચ્યો અને ચંદ્રનું વૈજ્ઞાનિક નિરીક્ષણ – પરીક્ષણ થઈ ગયું, પછી માનવજાતનું, કળાકારોનું ચાંદ પ્રત્યેનું ફેસિનેશન જરા ઓછું થઈ ગયું! ‘‘ચૌદહવી કા ચાંદ હો, યા આફતાબ હો’થી ‘ખોયા ખોયા ચાંદ’ પ્રકારના મૂનસ્પેશ્યલ ગીતો પણ ધીરે ધીરે ઘટતા ગયા. સાયન્ટિસ્ટસે મૂન સાથે હનીમૂન શરૂ કર્યું, એમાં ચંદ્ર ફરતે જે રહસ્ય – રોમાંચનું તેજોવલય હતું, એનો જે મિસ્ટિક ચાર્મ હતો એ ચૂંથાઈ ગયો. એ દોડતા સસલાં કે રૂની પૂણી કાંતની ડોશીમાને સાચવનાર ફેન્ટેસી બોલ મટીને એક ખાડાટેકરાવાળો ભૂખરો ઉપગ્રહ મટીને જ રહી ગયો! ચાંદાની સફરે જવાની બાળવાર્તાઓ આઉટડેટેડ થઈ ગઈ, ચાંદાપોળી ઘીમાં ઝબોળીને ખાવાની મજા લલકારતા બચ્ચાંઓ બા – બાપુજી બન્યા પછી ચોકલેટ પેસ્ટ્રી સંતાનોને ખવડાવતા થઈ ગયા! (પ્રસાદ સિવાય છેલ્લે પતાસાં કયારે ખાધા હતા, યાદ કરો!)
ચંદ્રમુખી કોઈ ચંચલ નયન, ચપળ ચાલવાળી ચતુર નાર હોય કે ચંદ્ર હસ્તે પોતે, જયાં સુધી કોઈ થોડુંક અજાણ્યું હોય એની ફરતે થોડું ભેદભરમનું જાળું વીંટળાયેલું હોય, એની ફરતે જરા – તરા આવરણો હોય ત્યાં સુધી એ વઘુ આકર્ષક લાગે છે. એક વાર એ ચાંદ કા ટુકડાને ‘એકસ્પ્લોર’ કરી લો, એને પૂરેપૂરો જાણી લો- પછી ઘણી વખત એના માટેનું ખેંચાણ ઓસરી જતું હોય છે. ચિરંજીવી સોમચંદ સાથે પણ કશુંક આવું જ થયું છે. ઈલેકટ્રિસિટીની ભભૂકતી રોશની સામે ચાંદની (બેટમેનના વિલન) જોકરતણા સોંગ ‘ડાન્સ વિથ ડેવિલ ઈન પેલ મૂનલાઈટ’ની માફક ફિક્કી પડી રહી છે. નવવઘૂના ધૂંઘટમાંથી બહાર ડોકાતાં મુખકમળથી યે મોટો થાળી જેવડો શરદપૂનમનો ચાંદ ટીકી ટીકીને જોતી વખતે શું વિચારો આવી શકે?
છટ્, વિચારો નહી, ધસમસતા મોજાં જેવું સંગીત આવે અંદરથી, થેન્કસ ટુ બોલીવૂડ, આપણી પાસે વિશ્વશ્રેષ્ઠ ચંદ્રગીતોનો કોમળ, શીતળ, રેશમી, ગુલાબી બગીચો મઘમઘે છે!
* * *
હિન્દી સિનેમાના ફેન્ટાસ્ટિક, મેમોરેબલ મૂન મ્યુઝિકમાં દમ ભર કે ઉઘર મૂંહ ફેરે જો ચંદા, મૈં તુમ સે પ્યાર કર લૂંગી, બાતેં હજાર કર લૂંગીના નટખટપણાની સાથે યું શબનમી પહેલે નહિ થી ચાંદની પણ આવે. પણ ન યે ચાંદ હોગા, ન તારે રહેંગે, મગર હમ હમેશા તુમ્હારે રહેંગેના શાશ્વત પ્રણયવિષાદના કમિટમેન્ટથી યે ચાંદ સા રોશન ચહેરાની મસ્તીની વચ્ચે, પડોસની ખિડકીમાં ઉખડા ઉખડા દેખાતા ચાંદ કા ટુકડાઓના નિસાસા વચ્ચે, મૈં તેરા ચાંદ, તૂ મેરી ચાંદનીની પરસ્પરની મસ્કાબાજી અને આજા સનમ મઘુર ચાંદની મેં હમ…ના સ્વીટ ચોકલેટી રોમાન્સની વચ્ચે શિરમોર એવું એક પર્સનલ ફેવરિટ કલાસિક સોંગ છે ૧૯૫૨ની ‘જાલ’ ફિલ્મ (દેવઆનંદ) માટે સાહિર લુધિયાનવીએ લખેલું… યે રાત, યે ચાંદની ફિર કહાં…! અહા!
આખ્ખા યે મઘુરજની સોંગમાં ચાંદનીના સ્પર્શે ચેતનવંતી બનતી સકળ સૃષ્ટિનું કેવું મીઠું અને માદક વર્ણન થયું છે! એમાં ય હેમંતકુમારનો મખમલી અવાજ! સુન જા દિલ કી દાસ્તાં કહીને પ્રતીક્ષારત પ્રેમી શું કહે છે આગળ? પેડોં કી શાખોં પે સોઇ સોઇ ચાંદની, તેરે ખયાલોમેં ખોઇ ખોઇ ચાંદની… ઔર થોડી દર મેં થક કે લૌટ જાયેગી, રાત યે બહાર કી ફિર કભી ન આયેગી… દો એક પલ ઔર હૈ યે સમાં… સુન જા દિલ કી દાસ્તાં!
અને? જરાક વિઝયુલાઇઝેશન તો જુઓ એટલે પ્રાસાનુપ્રાસની તુકબંદી અને કવિતા વચ્ચેનો ફર્ક સમજાશેઃ લહેરોં કે હોઠોં પે ધીમા ધીમા રાગ હૈ, ભીગી હવાઓંમેં ઠંડી ઠંડી આગ હૈ… ઇસ હસીન આગમેં તુ ભી જલ કે દેખ લે, ઝિંદગી કે ગીત ક ઘુન બદલ કે દેખ લે… ખુલને દે અબ ધડકનો કી ઝુબાં… યે રાત, યે ચાંદની ફિર કહાં…
શરદપુનમ જેવી કોઇ રાતલડીએ ચંદ્ર સાથે તારામૈત્રક કરવાની તક ગુમાવીને અફસોસ કરતા હો, ત્યારે જાણે જીંદગી, ખુશી, આશા, આનંદ બધા જ આપણને પોકારે છે- હે જાતી બહારેં હૈ, ઉઠતી જવાનીયાં, તારોં કી છાઓમેં, પહેલે કહાનીયાં (એન્ડ વોટ એ કલાઇમેકસ!) એક બાર ચલ દિયે અગર તુજે પુકાર કે, લૌટકર ના આયેંગે કાફિલે બહાર કે… આજા અભી જીંદગી હૈ જવાં… સુન જા દિલ કી દાસ્તાં!
કુરબાન! આ ગીતને વારંવાર સાંભળતા રહેતાં જાવેદ અખ્તરે એટલું જ ટચી ગીત ‘સપને’ ફિલ્મ માટે લખ્યું અને એની લાજવાબ કેચી ટયુન રહેમાને બનાવી! કોણ કહે છે- આજકાલના ગીતોમાં રિપિટ વેલ્યુ નથી? આ સોંગ સાંભળી સાંભળીને પણ અતૃપ્ત રહેવાવાળી આખી એક જનરેશન છે, જેને પચાસ-સો વાર એ સાંભળ્યા પછી પણ ધરવ નથી થતો- અને હજુયે એ એટલું ફ્રેશ ફ્રેશ લાગે છે. ચંદા રે, ચંદા રે કભી તો જમીં પર આ, બૈઠેંગે બાતે કરેંગે….
કેવી માસુમ, શર્મિલી, નાજુક સંવેદનાઓનો રૂપેરી તાંતણો અહીં રચાયો છે! તુજ કો આને ઇધર લાજ આયે અગર, ઓઢ કે આજા તુ બાદલ ઘને..! (વાહ!) ગુલશન ગુલશન, વાદી વાદી બહેતી હૈ રેશમ જૈસી હવા, જંગલ જંગલ પરબત પરબત હૈ નીંદ મેં સબ એક મેરે સિવા…! અને એ રાતના જાગતી આંખો પોતાની કંપની માટે ચાંદને ઇજન આપીને શું ઝંખે છે? આજા સપનોં કી નીલીં નદીયાઁ મેં ન્હાયે, આજા યે તારે ચુન કે હમ હાર બનાયે, ઇન ઘુંધલી ઘૂંધલી રાહોં મેં હમ દોનો ખો જાયે….
હરિહરન અને સાધના સરગમે કેસરકઢેલા દૂધની જેમ ગીતને બહેલાવ્યું છે- પરીઓના પ્રદેશ જેવા ચાંદાને પાસે બોલાવીને બાળસહજ વિસ્મયથી અહીં સવાલો પૂછવામાં આવે છેઃ તિતલી કે પર કયૂં ઇતને રંગીન હોતે હે? (ચાંદને મધરાતે બોલાવીને થોડું કંઇ કોલ ઇન્ડિયાનો ઇસ્યુ ભરવા માટે ડિમેટ એકાઉન્ટ વિશે પૂછવાનું હોય?) એકલવાયા કોઇ રોમેન્ટિક જીવડાને રાતના જંતરડા પર ચંદ્રમાં પોતાની કંપની દેખાય છે. દિવસભરના સળગતા સૂરજના તાપથી દાઝેલા કોઇ આત્માને ઊંઘવા માટે ચાંદનો ઠંડકભર્યો રૂપાળો ખોળો જોઇએ છે. હૈયું ઠાલવવા માટે એ સિલ્વર મૂન સાથે ગોલ્ડન મોમેન્ટસ માંગે છે!
કિશોરકુમારના ગુફાઓમાં ગુંજતા અવાજમાં ચાંદની રાત મેં ઇક બાર તુમ્હેં દેખા હૈથી લઇને મોહમ્મદ રફીના પીંછા પર સરકતાં અવાજમાં મૈંને પૂછા ચાંદ સે, દેખા હૈ કહીં, મેરે યાર સા હસીં સુધીના ગીતો ચાંદની રાતે લોંગ ડ્રાઇવમાં સરસ મ્યુઝિક સીસ્ટમ પર સાંભળતા રહીએ, પછી કોણ કમબ્ખ્તને મોક્ષ લઇને સંસારનો ફેરો ફરી ન ફરવાના કુવિચારો આવે!’ બેસ્ટ રોમેન્ટિક ડેટ આગ્રાના તાજમહાલમાં પણ નથી, અને મુંબઈની તાજ હોટલના સ્વીટમાં પણ નથી.
એક નર, એક નારી જ્યારે એકાંતમાં, સાપની કાંચળીની જેમ ચમકતી કાળી સડક પર હાથમાં હાથ પરોવીને, આંગળીઓમાં આંગળીઓ ગૂંથીને ખામોશીને ચીરતા ધીમા પગલે, એકબીજાના શ્વાસને સાંભળતા સાંભળતા, ચાંદનીમાં નીતરીને ન્હાતા ચાલતા હોય- એ છે પરફેક્ટ ડેટ! હા મોબાઈલમાં ‘ચાંદ સિફારિશ જો કરતા હમારી’ કે ‘યે ઉજલી ચાંદની જબ હસરતોં કો ગુદગુદાયેગી’ જેવા ગીતો ગુંજતા હોય તો ચાર ચાંદ લાગી જાય! વો ચાંદ જૈસી લડકી કોઈ દેખાય અને મેરા ચાંદ મુજે આયા હૈ નજરનો થનગનાટ થઈ જાય! ને એ મળે ત્યારે… ચાંદની રાત હૈ, તુ મેરે સાથ હૈ, કુછ હવા સર્દ હૈ, દિલ મેં ભી દર્દ હૈ… લબ પેં કોઈ બાત હૈ! મૂન વિના લવર્સનું શું થાત? પૂનમનું પ્યાર જેવું હોય છે. પ્રેમ પૂર્ણ થયા બાદ, વધી ન શકે, પણ ધીરે ધીરે ઘટી શકે!
કવિ રમેશ પારેખ તો મધરાતના જુલેયેટને જગાડવા રોમિયોને એના ફળિયે પથ્થરને બદલે ચાંદો ગોફણમાં ઘાલીને નાખવાની વાત કરે છે. તો ચાંદની રીતસર પીરસીને એનો સ્વાદ લેતા ગુલઝારને તો કેમ ભૂલાય? જાનેમન ફિલ્મમાં એ લખે છે ‘પિયા કી જુદાઈમેં ચાંદ તો ગુબ્બારા હૈ, રાત કો ચડાયા થા, દિનકો ઉતારા હૈ!’ જ્યારે સાંભળો ત્યારે નવું નક્કોર લાગે તેવું ‘ઝૂમ બરાબર ઝૂમ’ના આ નશીલા ગીતના પણ પેગ ભરો…
ધાગે તોડ લાઓ ચાંદની સે નૂર કે (ક્યા બાત હૈ!), ધૂંઘટ હી બના લો રોશની સે નૂર કે…થી શરૂ થતું ગીત અજંપાભરેલા કોઈ આત્માને કહે છેઃ આ નીંદ કા સૌદા કરે, ઈક ખ્વાબ દે, ઈક ખ્વાલ લે… ઈક ખ્વાબ તો આંખો મેં હૈ… ઈક ચાંદ કે તકિયે તલે (જેબ્બાત!) કિતને દિનોં સે યે આસમાં ભી, સોયા નહિ આજ ઈસ કો સુલા દે… બોલ ન હલ્કે હલ્કે…
* * *
બ્રાઝિલિયન રાઈટર ફિલોસોફર પાઉલો કોએલ્હો એમની કથાઓમાં વારંવાર અજ્ઞાતને પામવાના ગૂઢ માર્ગોમાં ટ્રેડિશન ઓફ સન અને ટ્રેડિશન ઓફ મૂનની વાત કરે છે. સૂર્યનો પથ જ્ઞાનમાર્ગી છે. પરમ ચૈતન્ય સુધી લોજીક, નોલેજની તાર્કિક સફરથી પહોંચાય છે. ચંદ્રપથ ફેમિનાઈન છે. યિન-યાંગ જેવી, પુરૂષ- પ્રકૃતિ જેવી આ વાત છે. એ ઈન્ટ્યુઈશન – ફીલિંગનો રસ્તો છે.
‘આપનું મુખ જોઈ મનમાં થાય છે, ચાંદ પર લોકો અમસ્તા જાય છે’ની પોપ્યુલર ગઝલોથી આગળ ગુજરાતી સાહિત્ય ફંફોસો તો ઉદયન ઠક્કરની ચંદ્ર પરની એક અદ્ભુત કવિતા વાંચવા મળે. જેનો ઉપાડ જ કવિ કરે છેઃ ધૂઘવાટોથી ન આવ્યો હાથમાં, કેવો ઝીલાઈ ગયો નિરાંતમાં… પૂરપાટ વહેતા, ઉછળતા, વેગીલા પાણીમાં ચાંદાનું પ્રતિબિંબ પડતું નથી. રેલાઈ જાય છે. પણ શાંત, નિર્મળ, સ્થિર જળમાં ચાંદો આખો પકડાઈ જાય છે! સંબંધોનું પણ આવું જ છે ને! આગે? ઉજળો ધંધો તો સોમાલાલનો, વેચે રોકડમાં ને લે ઉધારમાં! અગેઈન, કવિએ ચમકતા ચાંદને તૂટા હુઆ તારા બનાવતો સાટકો વીંઝ્યો છેઃ ચાંદની એ તો સૂરજના ઉછીના કિરણો છે, છતાં સૂરજને બદલે વ્હાલ વઘુ ચાંદાને મળે છે!
સંસ્કૃત સાહિત્યના મુક્તકોથી ઉર્દૂની શાયરીઓ સુધી ચાંદ એવરગ્રીન છે. શિવજીની જટાથી માઈકલ જેકસનના મૂનવોક સુધી છવાયેલો છે. ‘ડિસ્પેકેબલ મી’ નામની હોલીવૂડ એનિમેશન ફિલ્મમાં ચાંદાની ચોરીનો જ પ્લોટ છે! (‘ચાંદ ચુરા કે લાયા હૂં’વાળું ગીત યાદ આવ્યું કે?) ગુજરાતણોના મુખારવિંદ કરતા રૂડા પુષ્ટ ગૌર ‘ફાંદા’ પૂનમના ચાંદા જેવા વઘુ લાગતા હોય છે, છતાં ય ચાંદ-તારા તોડી લાવવાના ખ્વાબ દરેક ચંદ્રિકાને આવતા રહે છે. એકચ્યુઅલી, હુસ્નપરીઓનો ચહેરો જ ફકત ચંદ્ર જેવો હોય, એવું નથી. શરદપૂનમના ચાંદાના વિશાળ વર્તુળો એમની છાતી પર પણ ઉગે છે! અને ક્રિસ્ટલ આંખોમાં પણ બે પૂનમ જ ખીલે છે ને!
ટેઈક અ બ્રેક. ગો આઉટ. વોચ અ મૂન. ચંદ્ર સાથે પણ લાઈન મારી જુઓને ક્યારેક! પછી ગણગણો- ચાંદની રાતે… હાયે, ચાંદની રાતે… સબ જગ સોયે, હમ જાગે… તારોં સે કરે બાતેં… ચાંદની રાતેં!
ફાસ્ટ ફોરવર્ડ
‘ચંદ્ર સ્ત્રી જેવો છે. એ પૃથ્વીથી આવવું જોઈએ, તેથી વઘુ નજીક આવે છે- અને માણસને દીવાનો બનાવીને દૂર સરકી જાય છે!’ (વિલિયમ શેક્સપીયર)
# ગઈ શરદપૂનમનો ગમતીલો લેખ, ચાંદનીમાં નવડાવીને આપ બધા માટે દૂધના વાટકામાં….ચાલો, કોમેન્ટસમાં બધા પોતપોતાને ગમતા મૂનસોન્ગ્સનું લિસ્ટ શેર કરીએ અને ચાંદનીની પોતાની મૂન મોમેન્ટ્સ તમે લોકો જણાવો તો? પ્લીઝ, ચંદ્રને ય ગમશે 🙂
ashwinahir
October 11, 2011 at 11:58 PM
SO LUVABlE!!
LikeLike
miteshpathak
October 12, 2011 at 12:03 AM
superb…
LikeLike
Namrata
October 12, 2011 at 12:04 AM
Chand chupa badal mein.
Chand sifarish…
Chand mera dil chandni ho tum
Khoya khoya chand
Chalo dildaar chalo chand ke paar chalo
Gali mein aaj chand nikla
LikeLike
SATISH DHOLAKIA
October 12, 2011 at 12:14 AM
તમે સર્વ ગ્રાહી રીતે ચાંદની ને સર્વે ના જિવન મા ઉતારી દીધી.રમેશ પારેખ ને ખુબ વાચ્યા છે,પણ ચાંદ ને ગોફ્ણ મા બાંધવા ની વાત આસ્વાદ્ય બની રહી.
LikeLike
Hardik Vyas
October 12, 2011 at 12:32 AM
jaybhai..
ye raat ye chaandni phir kahaan to mne atyant priy chhe..
pn atyare hu hmna hmna jhumroo film nu thandi hawa ye chaandni suhaani.. saambhalto hto..
LikeLike
krupa vyas
October 12, 2011 at 12:36 AM
bachpan ma chandni rat ma sharad punam na divse nadi kinare chandni ni shitalta ma dudh puha ane batata pauha khavani maja padi gayi
LikeLike
nirlep - qatar
October 12, 2011 at 12:43 AM
superb, as always…..Ín addition what namrata has said…chand ko kya malum chahta hai use koi chakor; below one is by ojas palanpuri.
બીજી તો કોઈ રીતે ના ભૂંસાય ચાંદની,
ઝાકળની થોડી બુંદોથી ધોવાય ચાંદની.
પીને શરબ ઉભો’તો સપનાય ના જુઓ,
તરસ્યા રહીને જાગો તો પીવાય ચાંદની.
તું આંખ સામે હોય તો એવુંય પણ બને,
ખીલ્યો હો ચંદ્રમા ને ન દેખાય ચાંદની.
તાર સ્મરણનું તેજ મને ડંખતું રહે,
ઉપરથી પાછી એમાં ઉમેરાય ચાંદની.
‘ઓજસ’ ધરે છે કોણ આ દર્પણ ગગન ઉપર,
દિવસનું તેજ રાતે બની જાય ચાંદની.
LikeLike
Vinod R. Patel
October 12, 2011 at 12:54 AM
જયભાઈ, મજા આવી ગઈ તમારી પોસ્ટની ચાંદનીમાં મ્હાલવાની!
LikeLike
Kunjal D little angel
October 12, 2011 at 1:27 AM
Thnx to recalling..
Chanda re .. Very special to.. Me ! School ma 9th ma perform karyu tu.. Tyar pachi aakhi school life ma.. Stage par RAJ karyu tu !!
Aa vanchi ne fari badhu taju Thai gyu !
So this is most fav moon song!
Am to gujarati Ras vadhare game ho Sharad poonam nimmite !
* Poonam ni pyari pyari raat aj preetam sathe chhe mulakat !
* sharad poonam ni ratdi chandani khili chhe bhali bhatni… Ras ramva ne velo av shyam……
* Poonam ni radhiyali rate maru man mohi gayu !
Aj nu maru status ahi share karu ..
ચંન્દ્રની સાક્ષીએ શ્રી હરિની જોતી’તી વાટ, કાનની રાધા – આજ ગેલમાં . !!
શરદનો શીતળ ચંન્દ્ર મુબારક !
ૐ
LikeLike
arsh
October 12, 2011 at 2:17 AM
LikeLike
Minal
October 12, 2011 at 3:34 AM
waahhh…..majja pdi gai!!! what a writing with words and above all the ultimate song of Hemant da! After reading this, have build up the mood for sharad poonam and chandni for sure. 🙂
You haven’t leave any song related with “chand” and all are enjoyable.
I love to enjoy moon light on the beach whenever there is a full moon day. Sply. during full moon days my bed room is totally filled up with moon light and i just sleep by looking at the moon and at that time only one song came on my mind instantly…. yeh raat bhigi bhigi, yeh mast phiza e…utha dhire dhire woh chand pyaara pyaara, a song frm ‘Chori chori’ 🙂 Can’t resist to take a look or stare while outside. It definitely feels so calm, peaceful and close to nature. I’m more moon lover than sun sply. for the place where i’m living right now.
LikeLike
adhir amdavadi
October 12, 2011 at 8:02 AM
મસ્ત ,,, ફૂલટુ રોમેન્ટિક !
LikeLike
anil
October 12, 2011 at 10:08 AM
my favorite song
it is not a full moon song but half moon song
guess?
aadha chandra ma raat aadhi
rahe na jaye teri meri baat aadhi
from
film – navrang
LikeLike
Alrik
October 12, 2011 at 11:31 AM
LikeLike
Nisarg Rami
October 12, 2011 at 11:54 AM
I love Garba very much and I have very great memories with during Garba. I love the garbo “કહો પૂનમ ના ચાંદને આજ ઉગે આથમણી ઓર “. If I see film songs I love “आजा सनम मधुर चांदनी में हम तुम मिले तो वीराने में भी आ जाएगी बहार, झुमने लगेगा आसमान” from film “CHORI CHORI” .
I am away from my home for my job and first time missed Sharad Punam at my home. Yesterday I event didnt know its Sharad Punam.
LikeLike
Nisarg Rami
October 12, 2011 at 11:58 AM
I want to share on of my poem on Moon,
सूरज क्षितिज पे जा रहा है,
रात का साया एक बार फिर दिन पे आया है …
आज चाँद ने मेरी खिड़की पे दस्तक दी है,
इस चाँद को देख खुद मेरा चाँद शरमाया है …
-निसर्ग
LikeLike
Preeti
October 12, 2011 at 12:13 PM
ચાંદ પરનો લેખ વાંચીને કોઈપણ પાગલ થઇ જાય એમ છે. (શરદ પૂનમની ની સાઇડ ઈફેક્ટ 😉 )
જાતે કંઈક લખવાનો પ્રયત્ન કર્યો હતો. અહી “શેર” કરું છું.
આજે તો ચાંદ
વાદળ ઓઢીને આવ્યો
“તારી ચાંદની ક્યાં?”
પૂછ્યું તો કહે
ચાંદ
કદી એકલો હોય?
ચાંદની વગર ચાંદ કેવો?
ને
એણે
વાદળિયો ઘૂંઘટ
ધીરે રહીને હટાવ્યો
ને
નીકળી આવી ચાંદની
તારલે મઢી
ઓઢણી ઓઢીને…!!!
LikeLike
bansi rajput
October 12, 2011 at 5:56 PM
Waaah…….
LikeLike
rashmi
October 12, 2011 at 6:29 PM
સુહાની ચાંદની રાતે હમે સોને નહિ દેતી,
તુમ્હારે પ્યાર કી બાતે હમે સોને નહિ દેતી….
LikeLike
Chintan Oza
October 12, 2011 at 8:09 PM
ખુબજ સુંદર….લેખમા આપેલા બધાજ સોન્ગસ ખુબ મસ્ત છે. 🙂
LikeLike
pinal
October 13, 2011 at 12:49 PM
chanadni rate …chandni rate
rato ne me nind lul li din ke chen churayeeee
chandani rate……..
LikeLike
anjana naik
October 13, 2011 at 5:21 PM
jay sir , nice article. shardpoonam ne navi rite jovani ane mulavavani maja aavi gayi.. aa vakhate chand potano lagyo.
LikeLike
Niyati
October 14, 2011 at 10:36 PM
superb……. 🙂
LikeLike
shailesh
October 16, 2011 at 10:55 PM
LikeLike
kavita
October 18, 2011 at 5:10 PM
lovely!!!
LikeLike
Riddhi Joshi
October 19, 2011 at 5:28 PM
one song from not so remembered movie .. TERA JADOO CHAL GAYA – ( 2nd movie of Jr. AB)
Aye chand teri chandni ki kasam… mere paas bhi ek chand hai…
LikeLike
Chintan Shah
October 16, 2012 at 1:03 PM
I want to share my oneliner
‘Iss shahar mein chand-sitaron se jyada hoarding nazar aate hai’
bas ekvaar aamj ubho hato chandra hova ane mane pehla hording dekhayu ane pachhi chandra ane ekdum j aa line futi nikadi…
LikeLike
Nishith
October 29, 2012 at 11:00 AM
Thanks Jaybhai,
Sharadpoonam is always special to me. On this day I got engageed !! 29-Oct-12 is my 12th engagement anniversary…
Folloiwing is title song of a TV Serial “Chand Parosa Hai” – written by Gulzar and sung by Mitali Sing ..
LikeLike
kalpesh
October 29, 2012 at 11:21 AM
તું જો આજે મારી સાથે જાગશે… ચાંદ થોડો ચાંદ જેવો લાગશે! (અદી મિરઝા) wah..
LikeLike
kalpesh
October 29, 2012 at 11:22 AM
Good
LikeLike
Sunil Vora
October 29, 2012 at 11:24 AM
Jaybhai, how about, “Chanda o Chanda ere mee naina?
LikeLike
mahesh ambaliya
October 29, 2012 at 11:31 AM
જયભાઈ, મજા આવી ગઈ
LikeLike
rashmin
October 29, 2012 at 3:00 PM
૧.આજ નો ચાંદલિયો મને લાગે બહુ વાલો
૨.ગલી મેં આજ ચાંદ નિકલા
૩. યું શબનમી પહેલે નહિ થી ચાંદની
૪. રાત કી હથેલી પે ચાંદ જગમગતા હે
૫. નીલે નીલે અંબર પર ચાંદ જબ
LikeLike
Kirit
October 29, 2012 at 3:32 PM
Speechless…… Jay
LikeLike
jayteraiya
October 29, 2012 at 6:29 PM
છલકાતી ચાંદનીમાં ઉતારી બધા વસન
ચંચલ બની ને ન્હાય છે તારી ને મારી વાત
-રમેશ પારેખ
LikeLike
Nimish
October 29, 2012 at 10:55 PM
Chanda re chanda re kabhito zamin par aa most fav,then ye rat bhigi bhigi ye mast fizayen utha dhire dhire wo chand pyara pyara.. Kyun aag si lagake gumsum hai chandani(kya baat), chand chhupa badalmein.
LikeLike
swati paun
October 30, 2012 at 1:07 AM
wah…….by god my fev articl…………………………….e b mostwalu………thanxzzzzzzzzzz………….sngz fev tame apij didha bol na halke aflatoon………chand ko kya malum chahata hai use…mast………..wo chand khila wo tare hanse ye rat ajab………most fev………………:)njoy chand…
LikeLike
Neeta Shah
October 30, 2012 at 9:47 PM
well almost all my fav songs are covered by you……
but following stanza of “ye nayan dare dare …….” is my most fav…..
Raat hasin ye chand hasin tu sabse hasin mere dilbar…….Aur tuzhse hasin……..”
LikeLike
Mayuri Rupareliya
January 29, 2013 at 9:34 AM
jaybhai chand ne khud ne bhi atli nai khabar hoy ana vise sup reb article ……………….
LikeLike
Rama Nakum
November 14, 2016 at 11:46 PM
Ek Baju aaj no chand…
Biji tamari romantic post ni chandni…….so..loveable.
LikeLike
Rama Nakum
November 15, 2016 at 1:13 AM
Really good. ..
LikeLike