RSS

ચટાકેદાર શિયાળો, લહેજતદાર શિયાળો !

18 Dec

soup1

આખા શહેર ફરતે અંધકારે ઘેરો ઘાલ્યો છે. સ્વેટર પેહર્યા પછી પણ કસોકસ ભીંસીને શાલ ઓઢવી પડે એવી ઠંડી છે. પંખા- એ.સી. બંધ હોવાથી શ્વાછોશ્વાસનો અવાજ તાલબદ્ધ રીતે સંભળાય છે. દૂર કશુંક ધીમું સંગીત વાગી રહ્યું છે. ફાયર પ્લેસનું કે તાપણાનું ઝાંખુ અજવાળું છે.

અને ટેબલ પર ખટમઘુરાં અને દેખાવે જરા આંકા પાડેલા લાલચટ્ટક દેશી ટમેટાંનો ગરમાગરમ સૂપ ભરેલું બાઉલ પડેલું છે. રક્તવર્ણી સૂપ પર તેલની આછેરી મેઘધનુષી ઝાંય તરવરે છે, જેમાં નીરખો તો તમારી આંખના ચળકાટનું પ્રતિબિંબ ઝળકે છે. દરિયામાં તરતી શાર્ક જેમ અલપઝલપ દેખાય એમ ડુંગળી અને લસણ ‘રેડ એન્ડ વ્હાઈટ’ કોમ્બિનેશન રચતા તરે છે. ગરમ સૂપમાં બફાઈને પોચા પડેલા ઓનિયન-ગાર્લિક બાઈટસ! લાલ-લીલી ચણિયાચોળીની માફક લીલીછમ કોથમીર રાતા સૂપ પર લહેરાતી હોય અને વઘારમાં દેશી કથ્થાઈ ગોળ સાથે પડયું હોય શ્યામરંગી લવિંગ!

બસ, જરા તાકી તાકીને ફળફળતા ગરમ સૂપ સામે નિહાળો. એના ઉઘડતા લાલ રંગને આંખોમાં આંજી લો. ઉંડો શ્વાસ લઈને એની તાજગીસભર મહેક ફેલાવતી વરાળને ફેફસાંની સૈર કરાવો. પછી બઘું જ ભૂલી જઈ, હળવેકથી મોટા ચમચામાં એ ભરીને ધૂંટડો સીધો જ ગળે ઉતારવાને બદલે જરા જીભ ફેરવીને ચગળો! એની ગરમાહટ અન્નનળીથી જઠર સુધી મહેસૂસ કરો, જાણે કાસ્ટિંગ આયર્ન ફેકટરીના પાઈપમાં રાતુંચોળ પ્રવાહી પોલાદ પ્રસરતું હોય!

વેલ, શિયાળામાં જ લ્હાવો લેવા જેવી આ ક્રિયાને ‘સૂપ મેડિટેશન’ ન કહેવાય?

* * *

વિન્ટર ઈઝ સીઝન ફોર ફૂડ હન્ટર! કેટકેટલા મજેદાર શાક મળે શિયાળામાં! આમ તો એ બારેમાસ મળતા હોય આજના હાઈબ્રીડ યુગમાં… પણ જસ્ટ થિંક, ફ્રોઝન મટર ખાવ અને લીલા છમ કૂણાં કૂણાં વટાણા, જેની છાલ બફાઈને એના ફરતે ફૂટબોલ જેવી ભાત રચે, તે આરોગો એમાં ફરક તો ખરો ને! ને રીંગણા છો બારેમાસ મળતા, એનો મસ્સાલેદાર ઓળો ખાવાના ટેસડા તો ટાઢોડામાં જ પડે ને! ઠંડીમાં ઠુઠવાઈ ગયેલા ટેરવાઓ શેકાયેલા ગોળ લીલેરા કે લાંબા જાંબુડિયા રીંગણના ભડથાની બળી ગયેલી કાળી ગરમ પોપડીઓને સ્પર્શીને હૂંફ મેળવે છે! (પ્રિયાના દેહને વસ્ત્રવિહીન કરવા જેવી નજાકત અને નફાસત માંગી લેતું આ કામ છે!) બેઝિકલી, આયુર્વેદથી એલોપથિક સાયન્સ એક બાબતમાં સંમત છેઃ શિયાળામાં ભૂખ વઘુ લાગે. શરીરનો પાચકરસ અને અગ્નિ તેજ હોય, હવામાન સૂકું હોય એટલે નોર્મલ રૂટિન કરતાં વઘુ ખવાઈ જાય, અને એ કુદરતી ક્રમમાં પચી પણ જાય!

યાનિ કી, મધર નેચર ખુદ શિયાળામાં આપણે ખાઈ-પીને તાજામાજા અને તગડાતંદુરસ્ત બનીએ એવું માનીને લાડ લડાવે છે! આમ પણ, મમ્મીના હાથની રસોઈ મિસ કરવાની મોસમ શિયાળામાં જ આવે ને! જેમ કે, ગુજરાતના ઘણા ઘરમાં જ ખવાતી (અને બજારૂં પ્રોડકટ ન બનેલી સૂંઠ-ગોળની ગોળી! સવારમાં તાજા લીંબુ-આદૂના મધ નાખેલા હૂંફાળા શરબત પછી સૂંઠ ગોળની ગોળી ચાવી જાવ એટલે ગુટકાબાજોની જબાનમાં કહીએ તો અંદરથી એક ‘કિક’ લાગે! પછી ભલેને આખો દહાડો શીંગની, તલની, ટોપરાની, દાળિયાની, કાજુ-બદામની વિવિધ પ્રકારની ચીકીનું કટક-બટક થયા કરે!

ગુજરાતમાં શિયાળાની વિશ્વશ્રેષ્ઠ વાનગીઓ ઉપલબ્ધ છે. એલચી નાખેલા ગરમ ગોળ-ઘીની ‘પાઈ’ જેમણે ઘેર શિયાળામાં ખાવાનું સૌભાગ્ય કેળવ્યું હશે, તેમને માટે કેડબરી જેવી ચોકલેટ હંમેશા બચ્ચન સામે શાહરૂખ નંબર ટુ જ રહે, તેમ ‘સેકન્ડરી’ રહેશે! બસ એ પાઈનું થીજાવેલું રૂપ એટલે જ કાળા-ધોળા તલ કે શિંગ- દાળિયા- મેવા મઢેલી ચીકી! જાણે આભલા મઢેલી લહેરાતી સાડીનો પાલવ! અને મમરા-રાજગરાના લાડુ તો ખરા જ! મિષ્ટ અન્નથી સંતૃપ્ત થવું હોય તો એવો જ દબદબો ખજૂરનો પણ છે! ખજૂરને ગરમ દૂધમાં અંજીર સાથે પલાળીને પીવો તો બોર્નવિટા, હોર્લિક્સ પાણી ભરે જ નહિ, એની સામે પાણી જેવા જ લાગે! સવારમાં ઘી-ખજૂર અને ટોપરા- ગોળનું કાઠિયાવાડી શિરામણ કરો તો ભુજાઓમાં ‘લોંઠકુ’ બળ સળવળાટ કરી મૂકે! ખજુરની ખાંડ વિનાની જ ડ્રાયફ્રુટવાળી મીઠાઈ પણ બને છે. અને ટેસ્ટ ચેન્જ કરવો હોય તો ગરમાગરમ કાજુ-કિસમિસથી ભરપૂર દૂધમાં બનાવેલો ગાજરનો હલવો! રેડ-ઓરેન્જ શાઈનિંગમાં જાણે સૂરજને સોનામાં મસળ્યો હોય એવું લાગે! રેડ સિગ્નલથી ભડકતા લોકો માટે ગ્રીન સિગ્નલ જેવો દૂધીનો હલવો પણ ઠંડીમાં ય અંદરથી કૂલ કૂલ ઈફેક્ટ લઈ આવે ને! રેડ ઓર ગ્રીન, હલવા ટ્રાફિક ઓલ્વેઝ ઈન!

એમ તો બિટર ટેસ્ટના શોખીનોએ સ્વીસ-બેલ્જીયમની મોંઘી ચોકલેટસ સુધી જવાની જરૂર નથી. વસાણા સાથેનો મેથીપાક મોજૂદ છે! ખાવ એટલે ઊંધા હાથની અડબોથ ઝીંકાઈ હોય એવું જ મોં થઈ જશે! પણ આવા ગુણકારી સ્વાસ્થ્યહિતવર્ધક સાલમપાક કે ગુંદપાક માટે તો વિન્ટર ઈઝ હિઅર! એમ તો ચોખ્ખા ઘીમાં નીતરતા મોહનથાળ, સૂંઠ નાખેલી ઘૂઘરાયિળી સુખડી, ચણાના લોટનો મગસ (મગજ!) કે મગની દાળના ફાડાનું મગદળ જેવી મીઠાઈઓ છે. પણ શિયાળાનો સ્વીટકિંગ એટલે ગડદિયા જેવું બોડી બિલ્ડિંગ કરતો અડદિયો! એમાં કેસર, ગુંદ, ડ્રાયફ્રુટસ અને તેજ મસાલો નાખ્યો હોય તો મુઠ્ઠીભર અડદિયા થ્રી કોર્સ ડિનરની ગરજ સારે! અડદિયાનો લોટ શેકાતો હોય અને ઘીમાં એને તવેથાથી અમળાવી-લસોટીને એકરસ કરાતો હોય એ સોડમ કોઈ ફ્રેન્ચ પરફ્યુમની માફક જ ઉત્તેજીત કરીને મદહોશ કરી દેવાને કાબિલ છે!

વેલ વેલ, બહું ગળ્યું ખાવ, લખો કે બોલો- જીભ અને મન તરત ‘ભાંગી’ જાય. સો લેપ્સ એડ સમ સ્પાઈસ ઈન ટુ ધ સીઝન ઓફ આઈસ! આજકાલ ‘ગોઇંગ ગ્રીન’ વાળી ઈકો-ફ્રેન્ડલી હર્બલ મૂવમેન્ટસ બહુ ચાલે છે. શિયાળો પણ રસોડાંને લીલુછમ (અને ભર્યા પેટે મનને હરિયાળું!) કરવાની ઋતુ છે. વાલોળ, ગલકા, ભીંડા, ગુવાર જેવા લીલોતરી શાક, મૂળાના લીલા પાંદડા કે કાચા લીલા ટમેટામાં શેકેલા ચણાના લોટથી બનતું ખારિયું, લીલી તુવેરના રમવાનું મન થાય એવા એમરાલ્ડ શેઈપના સુંવાળા ગોળ દાણા! કિડની બીન્સ જેવા રાજમા- ચોળા કે કમનીય વળાંકવાળા ગ્રીન-વ્હાઈટ-રેડિશ વાલ! લીલી કોથમીર અને લીલી મરચીની હોટ્ટમહોટ્ટ ચટણી કે જે ખાતાવેંત માથાના ખરી જતા વાળ ઉભા થઈ જાય! તાંદળજા, મેથી, પાલક જેવી રેસાદાર નરમ નરમ ભાજી આપણને તૃણાહારની તાજગી આપે, તો અળવીના પાન પર ચણાનો લોટ ભરીને તલ છાંટી વધારાય ગ્રીન ગ્રીન વિન વિન પાતરા! ફ્રેશ તુવેરની લીલવાની કચોરી પણ તળાવ અને પોપ્યુલર પર્પલ મોગરી સાથે લીલી મોગરી પણ મળે જ! લીલી કોબીનું લાલ ટમેટાં સાથે ધાણાજીરૂ નાખીને કરેલું કચુંબર અને લીલા ફૂદીનાથી તર-બ-તર ઘાટી માખણદાર છાશ સાથે ‘લેડી મેકબેથ’ ભજવ્યા વિના લોહિયાળ હાથ કરી દેતું લાલમલાલ બીટ!

લાલ છાલવાળા રતાળુ (શક્કરિયા) તો શિયાળામાં જીમ્નેશિયમમાં ગયા પછી થતા ગઠીલા બદનના ટ્રાઈસેપ્સ કે એબ્સ જેવા હોવાનો અહેસાસ થાય! અધધધ શાક મળે શિયાળામાં! વેજીટેબલ સૂપના શણગાર જેવી ફણસી અને ભૂખ લાગે ત્યારે ગુલાબ કરતાં વઘુ મનમોહન લાગતું ધોળું મજાનું ફ્લાવર! કોઈ અવકાશી ગ્રહના અવશેષ જેવું સુરણ અને વિદ્યા બાલનની શાઈનિંગ કર્વી કાયા જેવા રૂપાળાં રૂપાળાં બટાકા! નાનકડા રીંગણા-બટેટાનું ભરેલું શાક પણ થઈ શકે અને આલુ-મટર-ટમેટા- ઓનિયનવાળી પાંઉભાજીની ભાજી… હાજી હાજી! રોટલી- થેપલા- બ્રેડ- પાંઉ નાજી નાજી!

તો? ફર્સ્ટ ચોઈસઃ બાજરાનો રોટલો! જાણે અલખનો ઓટલો! હાથના ટપાકાથી ઘડાયેલા પટલાણીના કાઠિયાવાડી રોટલામાં હથેળીની રંગોળી પુરાતી હોય છે! નેકસ્ટઃ વેલણથી ચાંદલા કર્યા હોય એવા ચંદ્રની ખાડાખબડાવાળી સપાટીને પૂરક કડક બિસ્કિટ જેવી ભાખરી! લીલા લસણ-ડુંગળીમાં શુદ્ધ સિંગતેલમાં વઘારેલા ઓળા સાથે તો રોટલાનો સાથ એટલે જનમ જનમ કા સાથ નિભાવતી રબને બના દી જોડી!

આવી જ જુગલજોડી શિયાળામાં ખાણીપીણી માટે સમગ્ર ગુજરાતમાં જેનું નામ પડે અને જીભ હોંઠ પર ફરે એવા ‘સુરત’ શહેરમાં રચાય છે! લીલા ખેતરોની વચ્ચે લ્હેરાતા પીળા દુપટ્ટાની માફક  જુવારના પોંક સાથે ખવાતી સેવ! લીલા ધાનને બાફીને પોંક બને અને તેની સાથે મૂડ કે ટેસ્ટ મુજબ ચાર પ્રકારની સેવનું કોમ્બિનેશન થાય… લીંબુ-મરીની સેવ (મોસ્ટ ફેવરિટ!), લસણની સેવ, મોળી સેવ અને તીખી સેવ! સુરતમાં તો એરકન્ડીશન્ડ રેસ્ટોરાંમાં ન હોય એવડી લાંબી કતાર શિયાળામાં પોંકવડા, પોંક પેટિસ માટે લાગે! સાથે છાશ, લસણની લાલ મરચાની ભૂકીવાળી ચટણી અને વરિયાળીના ઉપર ભભરાવેલા દાણા! મૂળ ખત્રી સમાજે લોકપ્રિય બનાવેલું ‘બટાકાનું કાચું’ શિયાળામાં ચપોચપ ઉપડે! બાફેલા બટાકામાં તેલ-લસણ-મસાલા મિક્સ અને અગાઉ તાડી/વ્હીસ્કી તો આજે નીરોથી બનતી પુરી! (આ ‘કાચું’ મુળ તો માંસાહારી વાનગી, હોં કે!) આ ખાઈને થાકો તો નવસારી- બિલિમોરા સુધી ફેલાયેલું ઊંબાડિયું તો ખરૂં જ! જેમાં બીજા શાક નહિ પણ રતાળુ, બટાકા, સૂરણ, કેળા વગેરે કંદ લેવાના. ખાસ બે મહિના જ આવતી કતારગામની જાડી પાપડી નાખવાની. બઘું ભેળવીને માટલામાં નાખી, લોટની કણકથી માટલાનું મોં સીલ કરી, જમીનમાં ખાડો કરીને કોલસા કે લાકડાના પ્રાકૃતિક તાપમાં ગરમ કરવાનું! પછી એ મલાઈ (ક્રીમ) કે મલાઈવાળું દહીં બાંધીને એમાં એલચી સાકર ભેળવીણે કરેલાં મઠ્ઠા સાથે લિજજતથી ઝાપટવાનું!

સૌરાષ્ટ્રમાં લગભગ આવી જ રીતે વરાળિયુ શાક બને. જેમાં ભીંડો, કારેલા, ટીંડોરા જેવા ચીકણા શાક સિવાયના બધા શિયાળુ શાકને આવી જ રીતે ખેતરમાં ખાડો ગાળી તપાવવાનું અને સવાદ પૂરતું નમક-મરી- મરચું નાખી ગરમાગરમ ઓગળીને એકરસ થયેલા શાકને ન્યાય આપવાનો! આવું જ વિવિધ ફળો માટે કરવામાં આવે, એ રેસિપિનું નામ ‘ધૂંટો’! ‘ડિનર ડિપ્લોમસી’ના દેશી જવાબ જેવી સૌરાષ્ટ્રની ‘ચાપડી-તાવા’ની પ્રથા તો આજે પબ્લિક રિલેશનમાં દિલ્હીની ‘ઈફતાર’ પાર્ટીને ટક્કર મારે તેવી શાખ ધરાવે છે. પંજાબી જેવું ગ્રેવીવાળું શાક એ તાવો, અને ખારાશ પડતાં તપેલા પરોઠા જેવી એની ‘ચાપડી’!

આવું બઘું કૂકબૂકની ફેશનેબલ ચોપડીઓમાં કંઈ વાંચવા ન મળે! એ માટે તો સ્વાદશોખીન બનવું પડે. ઘરની બહાર નીકળી સ્વાદેન્દ્રિયને પંપાળવી પડે. ખાવા-ખવડાવવાના નશાનું અઠંગ ‘બંધાણ’ કેળવવું પડે. જેમ કે, શિયાળાની કડકડતી ઠંડીમાં ગરમાગરમ ખીચડીમાં વચ્ચે ખાડો કરી ગાયનું ચોખ્ખું ઘી નાખી, એમાં લસણની કળીઓ મૂકીને ઉપર ગરમ ખીચડીનો થર કર્યો છે? પછી એના પર થાળી ઢાંકો, નેચરલ ‘બાફ’થી લસણ કકડે અને ચોળીને ખાઈ જાવ! બાફેલું લસણ એવી જ રીતે બરફીલી રાતોમાં વરાળ નીતરતા ઢોકળાંની સાથે બાઈટ કરવાની પણ મજા પડી જાય! સાથે તલનું મરચાંનો ભૂકો નાખેલું તેલ… જેબ્બાત! ગરમ ખીચું કે ફળફળતો હાંડવો – જાણે જઠરમા મંગલ માંડવો ! સુસવાટા મારતા ટાઢોડિયામાં એમ તો ફ્રેશ બેક્ડ સ્પાઈસી પિઝા કે ફ્રેંચ ફ્રાઇઝ પણ ગટક કરતા ગળે ઉતરે અને લીલા જિંજવા પર લીંબુ ડુંગળી મરચું જિંજર કે રવા -બદામ-કિસમિસનો ના મળે તો જિંજવાનો શીરો ય ક્યા કહેને !

અને શિયાળાની સવારના મોર્નિંગ જોગિંગ પછી ધૂંટડે ધૂંટડે ફ્રેશનેસ ફેલાવતો તાડનો રસ નીરો… કે પછી વિન્ટર સ્પેશ્યલ કાવો, તજ-લીંબુ- મરી મસાલાથી જીભ તમતમાવતો! સાત્વિક સ્વદેશી કેફ જેવો જ નશો છે (એઈ, એ કોને બીઅર, જીન, વોડકા, રમ યાદ આવે છે?) ઠંડીગાર હિમ વરસાવતી શિયાળુ રાતે ક્રીમી મિલ્કમાં બનાવેલી ગરમાગરમ ફિલ્ટર કોફીના મગને એક હોટ એન્ડ વેટ કિસ કરવાનો! કોફી બીન્સની કડક ખૂશ્બોદાર મર્દાના ભાપ અને એનો સેક્સી વાઈલ્ડ ટેસ્ટ! કોણે કહ્યું ગરમાટો ફક્ત ઊનમાંથી મળે? ફોતરાં કાઢવાથી શેકાઈ જતા આંગળામાં રમતી ગરમાગરમ ખારી શિંગ કંઈ ગરમ ઉનાળા કે ભેજવામાં ચોમાસામાં થોડી જામે?

અમદાવાદમાં કાળા તલનું કચરિયું (મસાલા સાની) ખાવ કે રાજકોટમાં મળતો રીતસરના તુલસી અને જડીબુટ્ટીવાળો આયુર્વેદિક હર્બલ હેલ્ધી આઈસ્ક્રીમ ઝાપટો… મરચાના વઘારવાળી અડદની દાળના સબડકા ભરો કે ટોસ્ટેડ બ્રાઉન બ્રેડ પર બટર સાથે કેસર-સાકરવાળો આમળાનો તાજો મુરબ્બો પેટમાં પધરાવો… ‘એગીટેરિયન’ હો તો ટમેટાં-ડુંગળીવાળી ઓમલેટથી બ્રેકફાસ્ટ કરો કે ઊંધિયા- આથેલા લીંબુ- મરચાનું ડિનર… શ્રાવણમાં શિવપૂજા, નવરાત્રિમાં દેવીપૂજા તો શિયાળામાં કરો પેટપૂજા, ઔર ન રખો કામ કોઈ દૂજા! (લગનગાળો કંઈ અમથો આ ઋતુમાં ખીલે છે?)

એમ? તમે ડાયેટ પર છો? તો ચ્યવનપ્રાશ ચાટો અને સ્ટ્રોબેરી, જામફળ, પાઈનેપલ, સંતરા, શેરડી, સફરજન, ચેરી જેવા જ્યુસી સાઈટ્રસ ફ્રુટસની રસના ફૂવારા ઉડાડતી બાઈટસમાં બાથ લેજો, બસ? બાકી જો શિયાળામાં આવું કશું ખાવું જ ન હોય…?

તો જીવવું શા માટે, ભલા? ધક્કો થયો આ પૃથ્વીલોક, ગણિયલ ગુર્જર ભોમકા અને ભારત મુલકનો તમારે!

Bajri no rotlo ne olo
( આ ઓળા-રોટલાની તસવીરનું સૌજન્ય રીડરબિરાદર પૂજાના બ્લોગનું છે. her posts are served in english but cooked with kathiyavadi heart and delicious to read n prepare something at home😛 here is the link http://creativepooja.blogspot.in/2008/02/gujarati-thats-what-i-am.html )

*એક પણ નવા શિયાળે જુનો ના થાય એવો જુનો લેખ !

 
43 Comments

Posted by on December 18, 2012 in entertainment, gujarat, heritage

 

43 responses to “ચટાકેદાર શિયાળો, લહેજતદાર શિયાળો !

  1. preeti tailor

    December 18, 2012 at 10:05 AM

    aakho shiyaalo jaane rasode thi naakma thai monma panino varsad varsavi gayo ..ghanu j rasal ane svadisht varnan …..

    Like

     
  2. bhumikaoza

    December 18, 2012 at 10:12 AM

    જયભાઈ …
    ઊંબાડિયું ! જેમાં બીજા શાક નહિ પણ રતાળુ, બટાકા, સૂરણ, કેળા વગેરે કંદ અને પાપડી…. આવું કઈ મળે છે એ તો આ વર્ષે જ ખબર પડી જયારે અમદાવાદથી ગાડી લઈને બાય રોડ પુને આવવાનું થયું ….. આ વાનગી ખાધા પછી તો એવું લાગ્યું કે આટલી સરસ વાનગી મારા અમદાવાદમાં મળે તો રોજ મજા જ મજા પડે…

    Like

     
    • bhaviprasad raval

      January 31, 2013 at 3:36 PM

      ghano j majedar lekh tks jaybhai

      Like

       
  3. hardiklovelyengg

    December 18, 2012 at 10:23 AM

    વાહ જયભાઈ વાહ….
    શિયાળા નું અદભુત વર્ણન એ પણ રસાળ વાનગીનો પરિચય આપતા…..એ વાનગી ઓફકોર્સ કોઈ પણ કુકબુક માં નઈ હોય….
    પરંતુ તમે આપણા કાઠીયાવાડ ના અડદિયા ને ભૂલી ગયા બાપુ…..

    Like

     
    • jay vasavada JV

      December 18, 2012 at 11:08 AM

      અડદિયા વિષે વાંચવા નું તમે ભૂલી ગયા લાગો છો !😉

      Like

       
  4. Harsh Pandya

    December 18, 2012 at 10:42 AM

    શિયાળાની કડકડતી ઠંડીમાં ગરમાગરમ ખીચડીમાં વચ્ચે ખાડો કરી ગાયનું ચોખ્ખું ઘી નાખી, એમાં લસણની કળીઓ મૂકીને ઉપર ગરમ ખીચડીનો થર કર્યો છે?

    A- હા હો બાપુ..હેયને પછી માથે મેથીના તીખા સંભારાની હાર્યે પાપડ અને કાચી ડુંગળી ચડાવીને છાસની દોણીનો રસ ઘૂંટડે ઘૂંટડે પીધો છે…😉😛

    Like

     
  5. Chintan Oza

    December 18, 2012 at 10:43 AM

    Vah JV..tan man ekdum liluchhamm thai gayu🙂 ..sir biji ek vangi add karo to majja padi jay..bajri na garam garam rotla jode taju ghee redi ne upar gol ane lilu lasan mix kari ne savar na pahor ma 3/7 divas suthi khavanu..biju kai pan full day nahi khavanu…j taste ave ane tandurasti bane a to next winter suthi na shardi thava de(fever to bahu door ni vat chhe ;)) …aa mast vangi yaad kari ne pan mo ma pani chhuti jay chhe…ane ha.Ubadiyu…aa vangi nu description to hamna j mari ben jiju jode sambhlyu …ekdum lajavab….aa christmas par ame ahi pune ma undhiyu day rakhvana chhiye…avi jao JV…majja padi jashe🙂 …ekdum mast tajo mao article JV….txxxxx….!!!

    Like

     
    • jay vasavada JV

      December 18, 2012 at 11:09 AM

      હ્મ્મ્મ્મ્મ્મ્મ્મ્મ્મ્મ્મ્મ્મ્મ્મ્મ

      Like

       
  6. ATUL JOSHI

    December 18, 2012 at 10:47 AM

    Excellent..!! Dear Jaybhai your observation powers as well as writing power is as it is since last two decades…!!

    Like

     
  7. J.V. Visani

    December 18, 2012 at 12:16 PM

    avu laage 6e k Jaybhai …tame “shiyalani Gujarati Vangio” vishay par ak sunder thesis lakhi shako tem 6o …enjoyed and also noted the names of some of the forgotton ‘delicious’ vangio (not dishes )to discuss ( and cook too ! ) with my home-minister (my wife ) .. thanks Jaybhai🙂

    Like

     
  8. urja rana

    December 18, 2012 at 12:21 PM

    bapu tame apni roj ni sawar padnaar cha ne aam awgno nai…..
    adu, fudina, tulsi ni cha sardi same saeas compitition ape 6…..

    Like

     
  9. pinal

    December 18, 2012 at 12:30 PM

    સૌથી ફેવરેટ મારા અડદીયાપાક, અને એક ડબ્બો પેદનો તો હુ ઝાપટિ ચુકિ છું. મેથી મને નથિ ભાવતી. ગાજરનો હલવો………. બસ

    Like

     
  10. dr.divyakshi patel

    December 18, 2012 at 12:47 PM

    Wah!JV..jalsa padi gaya,,emay yar methi pak ane mohan thal,odo ane rotla with chaas..mouth watering experience…
    ane ha ubadiyu to kem bhulay,kale j banavvani chu,jamva avi jao tame..pan ha canada avvu padshe..bolo avsho ne..jalsa padi jashe..

    Like

     
  11. Chaitanya

    December 18, 2012 at 12:54 PM

    જયભાઈ ઉમ્બડ્યા જેવીજ એક બીજી વાનગી અમે મારા ગામ ખંભાત મા બનાવીએ છે જેમાં બટાકા, રીંગણ, શક્કરિયા અને નાની દાણા વાળી પાપડી ને મીઠા અને અજમા સાથે માટલા મા બાફવાની અને પછી એમાં તલ નુ તેલ અને કોઢા અને લસણ ની ચટણી સાથે ખાવાની…… આહાહાહ…. મજા આવી જાય…. તમારા બ્લોગ વાંચી ને આવે એવીજ….

    Like

     
    • dev

      December 19, 2012 at 7:29 PM

      vadodara ma ene matla undhiu k che.jalebi,pauk na vada,lasan ni chatni,kotha ni chatni,limbumari ni sev,chash sathe khavay..aai kamchalau hotels khuli jay che…shiyala purti.

      Like

       
  12. Chaitanya

    December 18, 2012 at 12:55 PM

    અમે એને બાફેલું ઉન્ધ્યું કહીએ…..

    Like

     
  13. Dinesh Rathod

    December 18, 2012 at 12:57 PM

    Wah ………What A Discription…..Mara Modhama To pani Avi Gayu..Aje Sanje Koini Vadiathi Olana Ringana Mangavva padshe……..Baki Addiya No To Order Apai Gayo Chhe…..

    Like

     
  14. Dinesh Rathod

    December 18, 2012 at 1:08 PM

    હા. ખુબ સરસ વર્નન કર્યુ …પન તમે ગુવરિયા ઢોક્લા તો ભુલી જ ગયા….અને મકૈ ના ઢોકલા પન મને બહુ જ ભાવે …………દર્રોજ સવારે ઘિ, ગોળ, અને બાજરા નો રોટ્લો તો ખરાજ…… With Makhan…..😀

    Like

     
  15. Rajmohan Modi

    December 18, 2012 at 1:58 PM

    Jay bhai…..
    MAKKE DI ROTI OR SARSO KA SAAG Kem bhuli Gaya…. Sirji
    Ane.. Ek navi item …. chokkha ghee ma banavelo… Dhamakedar..chatakedar LILI HALDAR NU SHAK…
    Ane tan-badan raatu rayan jevo banavi detu… BEET NO HALWO…
    Kem Kari ne bhuli Shakay jay saheb….
    Aavo Amdavad Maninagar ma…
    Ane jamavo WINTER SPECIAL.. ( little cold-little hot )
    Tamne TANNO Jamavar karavishu
    Mare MANNO Jamanvar thashe
    Only At..
    RASNA RESTAURANT
    MANINAGAR CROSS ROAD, AHMEDABAD .8
    RAJMOHAN MODI.. CELL NO. 9426668990.

    Like

     
  16. teju144

    December 18, 2012 at 2:30 PM

    ahi mumbai ma shiyado etlo gujrat jevo lehjatdaar hoto nathi..pan gulabi to hoy che j pan bhale ne garmi ho toey shiyadanu naam padye adadiyo ne methi laadwa ne 32vasaanawali ped ne methi bajarina tehpla,makai ne bajari na rotla undhiyu badhu y shiyaada na naame jhaaptwani majaa aave bhale ne asal shiyadani taadh gaam jevi ahi nahi toy!🙂

    Like

     
  17. Swati Oza

    December 18, 2012 at 3:39 PM

    Ahahaa…One of my most favourite article…tesdo padi jay evo raszarto lekh!!

    Like

     
  18. Hetal Parekh

    December 18, 2012 at 4:58 PM

    ahahaa khavano jalso to shiyala ma j

    Like

     
  19. pankaj sanchala , ramod

    December 18, 2012 at 6:15 PM

    DUNGALI VALO OLO HOY ,SATHE DUDH ,GOL HOY TO VIRUDDH AHAR N KAHEVAY ?

    Like

     
  20. Soniya Thakkar

    December 18, 2012 at 6:45 PM

    વાહ ! ખૂબ મજા આવી વાંચવાની અને ખાવાની પણ.

    આપને ગડદિયા ખાવાનું મન થાય તો વેલકમ માય સ્વીટ હોમ.

    ખરેખર વાંચવાની ખૂબ જ મજા પડી.🙂

    Like

     
  21. jayteraiya

    December 18, 2012 at 7:05 PM

    બાજરાનો રોટલો! જાણે અલખનો ઓટલો! ANE HA UMBADIYU VAPI SUDHI POCHI GYU CHHE !!

    Like

     
  22. Trupti Shah

    December 18, 2012 at 8:23 PM

    tamaro aa article pahela kashek vanchhyo hova nu yaad avechhe….. vaarmvaar vanchhvo game tevo delicious article!

    Like

     
  23. Dhrumal

    December 18, 2012 at 8:24 PM

    Gud 1 JV. ‘Varaliyu’ ane ‘Umbadiyu’ heard for d first time…Btw, mumbai ma Shiyalo haji aavyo nathi ane aave to pan 8-10 divas to mand mand ane 8-10 divas rahyo to pan tame upar je delicacies nu varnan karyu che eno toh virtual swad j (aa lekh repeatedly vachi) levo rahyo🙂

    Like

     
  24. Naimish Vasoya

    December 18, 2012 at 8:37 PM

    Aa jagya(pruthavi lok) ja aavi chhe.Bhai, ahiya to sara sara ghoke chadi jay.

    Like

     
  25. Pooja Kanani

    December 18, 2012 at 9:27 PM

    aahhhhhhhhhhh moma pani aavi gaya tamari lakhava ni sallie aeve jordar 6e jeni tole koi na aave.

    Like

     
  26. ghanshyambhai dadulbhai

    December 18, 2012 at 9:28 PM

    lekh vanchi ne modhama pani aavi gayu.

    Like

     
  27. Nirmit Dave

    December 18, 2012 at 9:56 PM

    JV sir….very fantastic family funnn with the list of food….great….almost all dishes are there at my home in every winter…except ‘ધૂંટો’….let wish to have it..mmmmmm……….

    Like

     
  28. alpesh vaghela

    December 18, 2012 at 11:07 PM

    ek pan shiyade juno na thai tevo ju no lekha nahi pan jayu no lekh.

    Like

     
  29. Shobhana Vyas

    December 19, 2012 at 4:51 AM

    wow jay shu vaat chhe….tamne to khavani pan khabar pade chhe….!! very good knowledge of food…kathiyavdi food ni yaad taja thi gai (miss all these n of course RAJKOT)

    Like

     
    • Shobhana Vyas

      December 27, 2012 at 3:24 AM

      Jay jyar thi aa lekh vancyo tyar thi dhyan ma hatu….aaje to christmas ni rajao no labh lai ‘UNDHIYU’ ni maja lai lidhi..by the way I gonna upload the undhiyu picture on my time line.

      Like

       
  30. Jasmin Rupani

    December 19, 2012 at 1:14 PM

    જય ભાઈ, તમે મને બહુ મુશ્કેલી માં મૂકી દીધો. લેખ વાંચતા ની સાથે તેમાં વર્ણવેલી વાનગીઓ આરોગવાની અદમ્ય ઈચ્છા થઇ આવી, પણ મોટા ભાગ ની વાનગીઓ અહી કલકત્તા માં મળે નહિ માટે આજે રસગુલ્લા, ગોળ ના સંદેશ અને મિસ્ટી દોઈ ઝાપટી ને બદલો લેવા નો વિચાર છે… Jokes apart, લેખ વાંચવા ની બહુ મજા આવી🙂

    Like

     
  31. Arvind patel

    December 19, 2012 at 3:29 PM

    વાહ ! ખૂબ મજા આવી વાંચવાની અને ખાવાની પણ.

    Like

     
  32. Hardik Solanki

    December 19, 2012 at 4:58 PM

    jay bhai aa blog cllg par ^u tyare , ekdum bhukh lagi 6 tyare vachyo……
    muh me paani aa gaya!!
    maa kasam!!

    Like

     
  33. swati paun

    December 19, 2012 at 10:59 PM

    aa to fev articl n tomato soup………odo rotlo…undhiyu…..hmmmmm……………kathiyavadi……….khav n khavdavoo…………aa jethalal kem yad awya?:P…:)))

    Like

     
  34. lalu

    December 22, 2012 at 11:58 AM

    halo to have bek adadiya pet ma dabavi dai jaybhai na nam na……ane aaj rate olo, rotlo ne tikhi chatak lal marchani chatni no program kari nakhi

    Like

     
  35. Dhaval Shah

    January 24, 2013 at 10:53 PM

    JV aa lekh vanchine roj aa list pramane j ghar ma khavanu banavanu chalu kari didhuchhe… tesdo padi gayo chhe…

    Like

     
  36. Dhaval Shah

    January 24, 2013 at 10:55 PM

    By the way I have purchased your BOOK JAY HO.. Recently when I visited India, Its a very good book and I will suggest everyone should purchase and keep at home for repeatedly reading in life, super book.

    Like

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: