RSS

Category Archives: contests

કૌન બનેગા ગુજરાતી ? ખેલો ઓનલાઈન ક્વીઝ, જીતો રિઅલ પ્રાઈઝીઝ !


પરમમિત્ર પ્રણવ અધ્યારૂ એટલે ખરા અર્થમાં ૨૧મી સદીના ઋષિપુરુષ. સંસારત્યાગી સહેજે નહિ, પણ સંસારને સાચા અર્થમાં મસ્તીથી ભોગવનારા…કુટુંબવત્સલ, મૂલ્યનિષ્ઠ, જિજ્ઞાસુ, સ્વયંતપસ્વી , સંશોધક, વિચારવંત, સંનિષ્ઠ અને સૌમ્ય.

‘ગુજરાત સમાચાર’ના આ મારા શાખપડોશી કોલમનીસ્ટ; ટીવી-સિનેમાની ગ્લેમરસ દુનિયાના ચળકતા શિખરો જેટલો જ રસ સાહિત્ય, કળાના ઊંડા સમદરપેટાળમાં લેનારા આ સ્થિતપ્રજ્ઞ પાછા  ભારતીય પ્રાચીન શાસ્ત્રોથી અર્વાચીન વિજ્ઞાન સુધીના સીમાડા ઓળંગી જનાર અને જ્ઞાનને અભિમાન વિના  પચાવી જનાર અભ્યાસુ. એમની એક -એક કટ પર એમની દાઢીના વાળ જેટલું પ્લેટીનમ ઓવારી જવાનું મન થાય એવા સહજ રમુજી. શબ્દો તો એમના ખોળે ધીંગામસ્તી કરે! એમના દૈદિપ્યમાન લલાટ નીચેના ફળદ્રુપ ભેજાંમાં અવનવા આઈડિયાઝ આવ્યા જ કરે. ગણ્યા ગણાય, નહિ, વીણ્યા વીણાય નહિ તેટલા !

અને એ અને એમની ટીમ , ગુજરાત સરકાર સંગાથે ગુજરાતને વધુ સ્વર્ણિમ કરતી ગુજરાત ક્વીઝ પછી સૌપ્રથમ વાર એક અનોખી ઇનામી ક્વીઝ લઇ આવી પહોંચી છે. એ ય ચાર ભાષામાં, એકથી વધુ વાર ઘેર બેઠા ભાગ લેવાય એવી! જે મફત એન્ટ્રીમાં ઢગલો ઇનામો જીતવાની તક છોડે એ તે કેવા ગુજરાતી? 😉 તો, કમ ઓન, આ વાંચો અને વંચાવો, શેર કરો….કરો કંકુના ..ઓલ ધ બેસ્ટ !

Gujarat Calling…If you are proud to be a Gujarati, proud of its heritage and culture and committed towards its recognition across the world, here is an opportunity for you to grab. The worldwide GUJARAT QUIZ takes you on a tour of the glories of Gujarat. This competition offers attractive prizes and a certificate. It is open for all from 5th September 2011 to 20th October 2011!

to know more about it in any of this four languages –  English / Gujarati / Hindi / Sanskrit….just click the link below 🙂

http://www.gqworld.in/


સમગ્ર વિશ્વના ગુજરાતી
ઓને પોતાની માતૃભૂમિ ગુજરાત પ્રત્યેની નિષ્ઠા, નિસબત અને ગૌરવનો અનોખો માપદંડ જાણવાની અનોખી તક આપતી અને સૌ ગુજરાતીઓને ગુજરાતની વિશેષતાઓ અને વારસાની જાણકારી આપતી વિશ્વવ્યાપી ગુજરાત ક્વિઝ નું આયોજન કરવામાં આવ્યું છે. બહુમૂલ્ય ઇનામો અને સર્ટીફિકેટ સહિતના વિવિધ પ્રોત્સાહનો ધરાવતી આ સ્પર્ધા તારીખ પાંચ સપ્ટેમ્બર ૨૦૧૧ થી વીસ ઓકટોબર ૨૦૧૧ સુધી સૌ ગુજરાતીઓ માટે ખુલ્લી રહેશે. આ સ્પર્ધામાં કોઈ પણ વ્યક્તિ ભાગ લઈ શકે છે.

ગુજરાત ક્વિઝ વિશ્વકક્ષાની ઓન-લાઇન સ્પર્ધાની સમયાવધિ અને નિયમો

  • જી-ક્યુ વિશ્વ મોડ્યુલની વિન્ડો પાંચ સપ્ટેમ્બર, ૨૦૧૧ થી વીસ ઓક્ટોબર, ૨૦૧૧ દરમિયાન ઓપન રહેશે.
  • રજિસ્ટ્રેશન કરાવનારા દરેક સ્પર્ધકે પોતાનો યુનિક આઈડી તથા પાસવર્ડ પસંદ કરી યાદ રાખવાનો રહેશે.
  • દરેક સ્પર્ધકને મળેલા કુલ પ્રશ્નો, સાચા-ખોટા પ્રશ્નોની સંખ્યા, જવાબ આપવા માટે લીધેલો સમય – જેવા માપદંડોના આધારે સ્પર્ધકને ગુણ આપવામાં આવશે.
  • રજિસ્ટ્રેશન કરાવનારા દરેક સ્પર્ધકને પાંચ સપ્ટેમ્બર, ૨૦૧૧ થી વીસ ઓક્ટોબર, ૨૦૧૧ દરમિયાન વધુમાં વધુ બે વખત સ્પર્ધામાં ભાગ લેવાની તક મળશે.
  • દરેક સ્પર્ધકે આ બે પ્રયત્નો દરમિયાન મેળવેલા મહત્તમ ગુણ વિજેતાની પસંદગી માટે ગણતરીમાં લેવામાં આવશે.
  • દરેક સ્પર્ધકને ઓન-લાઇન રમાનારી આ સ્પર્ધા દરમિયાન તદ્દન એક સમાન ન હોય તેવો ક્રમ કે પ્રશ્નો ધરાવતા પ્રશ્નપત્ર મળશે.
  • દરેક સ્પર્ધકને ઓન-લાઇન રમાનારી આ સ્પર્ધા દરમિયાન ભાષા પસંદગી માટે ગુજરાતી, હિન્દી, સંસ્કૃત અને અંગ્રેજીમાંથી કોઈ એક ભાષા પસંદ કરવાનો વિકલ્પ મળશે.
  • ઓન-લાઇન રમાનારી આ સ્પર્ધા દરમિયાન દરેક સ્પર્ધકનો વિગતવાર ડેટા જેમ કે, – બંને પ્રયત્નોની તારીખ અને સમય, બંને પ્રયત્નો દરમિયાન સ્પર્ધકને મળેલા પ્રશ્નો, આ પ્રશ્નોના સ્પર્ધકે આપેલા જવાબ, આ પ્રશ્નોના સાચા જવાબ, સ્પર્ધકે જવાબ આપવા લીધેલો સમય, સ્પર્ધકને મળેલા કુલ ગુણ જેવી બાબતોના આધારે સ્પર્ધકનો ક્રમાંક ઉપલબ્ધ રહેશે.
  • દરેક સ્પર્ધકને ઓન-લાઇન રમાનારી આ સ્પર્ધામાં ભાગ લીધાનું ઈ-સર્ટીફિકેટ તેના મેઈલ-બોક્ષમાં મળશે.
  • આ સ્પર્ધાની કોઈ પણ બાબત અંગે નિયામક શ્રી, ગુજરાત રાજ્ય શાળા પાઠ્યપુસ્તક મંડળનો નિર્ણય આખરી અને સૌને બંધનકર્તા રહેશે.
  • દરેક સ્પર્ધકે મેળવેલા ગુણની સરખામણી કરીને સમગ્ર ગુજરાતના પ્રથમ પાંચ, ગુજરાત સિવાય સમગ્ર ભારતના પ્રથમ પાંચ અને ભારત સિવાય સમગ્ર વિશ્વના પ્રથમ દસ – એમ કુલ મળીને ૨૦ વિજેતા જાહેર કરવામાં આવશે.
  • ગુજરાત ક્વિઝની વિશ્વકક્ષાની ઓન લાઇન સ્પર્ધામાં ભાગ લેનાર દરેક સ્પર્ધકે રજિસ્ટ્રેશન માટે પોતાની સાચી વિગતો આપવી અનિવાર્ય છે. વિજેતા સ્પર્ધકે આયોજકો સમક્ષ પોતાનું પ્રમાણભૂત અને માન્ય ઓળખપત્ર રજુ કરવાનું રહેશે. રજિસ્ટ્રેશનની વિગતો અને ઓળખપત્ર વચ્ચે વિસંગતતા હશે તો સ્પર્ધકનું ઇનામ રદ થવાને પાત્ર રહેશે. આવા કિસ્સામાં વિજેતા સ્પર્ધકો પછી તરતના ક્રમે રહેલા સ્પર્ધકને જે-તે ઇનામ ફાળવવામાં આવશે.
  • ગુજરાત ક્વિઝની વિશ્વકક્ષાની ઓન લાઇન સ્પર્ધા માટે વધુમાં વધુ ૨૦ મિનિટનો સમય મળશે.
  • સ્પર્ધકે ૨૦ મિનિટમાં તેની સ્ક્રીન પર આવતા ૫૦ પ્રશ્નોના જવાબ આપવાના રહેશે.
  • સ્પર્ધકને મળેલા ભાષા પસંદગીના વિકલ્પોમાંથી કોઈ એક ભાષા પસંદ કર્યા બાદ ‘આરંભ’નું બટન ક્લિક કરતાની સાથે ટાઇમર શરૂ થશે.
  • ટાઇમર શરૂ થયા પછી ૨૦ મિનિટ ગણવામાં આવશે.
  • સ્પર્ધક પોતાની સ્ક્રીનની ડાબી બાજુ સતત ચાલતું ટાઇમર જોઈ શકશે.
  • આ સ્પર્ધાના વિજેતાની પસંદગી માટે સ્પર્ધકે આપેલા જવાબોની ખરાઈ ઉપરાંત સ્પર્ધકે જવાબો આપવા માટે લીધેલા કુલ સમયની પણ ગણના કરવામાં આવશે.
  • દરેક સાચા જવાબ દીઠ ૧૦ ગુણ મળશે. દરેક ખોટા જવાબ દીઠ 0૫ ગુણ માઇનસ થશે.
  • સ્પર્ધકે કોઈ વિકલ્પ પસંદ નહીં કર્યો હોય તો પણ 0૫ ગુણ માઇનસ થશે.
  • સાચા જવાબો અને ખોટા જવાબોના આધારે એક સરખા ગુણ ધરાવતા સ્પર્ધકોમાંથી ઓછા સમયમાં સ્પર્ધા પૂરી કરનાર સ્પર્ધક મેરિટમાં આગળ રહેશે.
  • સ્પર્ધાના પરિણામ માટે ઓન-લાઇન સ્પર્ધા દરમિયાન સ્પર્ધકે ક્લિક કરેલા જવાબોના આધારે સર્વરને મળેલા ડેટાના કમ્પ્યૂટર એનાલિસિસ દ્વારા મળેલા ગુણને ધ્યાનમાં લેવામાં આવશે.
  • દરેક સ્પર્ધક માટે આ પરિણામ આખરી અને બંધનકર્તા રહેશે.

$$$$$ ઇનામો $$$$ :

કુલ ૨૦ મુખ્ય ઇનામો રહેશે.

સમગ્ર ગુજરાતના પ્રથમ પાંચ

ગુજરાત સિવાય સમગ્ર ભારતના પ્રથમ પાંચ

ભારત સિવાયના સમગ્ર વિશ્વના પ્રથમ દસ

*દરેક વિજેતાને એક સમાન ઇનામ મળશે

ઢેન ટે નેન……..મુખ્ય ઇનામ અંતર્ગત દરેક વિજેતાને ‘મનપસંદ ગુજરાત દર્શન – પાંચ દિવસ-ચાર રાત્રીનું ચાર વ્યક્તિઓ માટે  નું પેકેજ મળશે.

વિજેતાની પસંદગીનાં ગુજરાતનાં વિવિધ સ્થળોને આવરી લેતાં આ પેકેજમાં વાતાનુકુલિત કાર દ્વારા આરામદાયક સફર, જે-તે સ્થળની શ્રેષ્ઠ હોટલમાં રહેવાની – જમવાની અને સ્થાનિક ગાઇડની સેવાનો સમાવેશ થાય છે. આ ઇનામ જીતનાર વિજેતાને સ્પર્ધાનું પરિણામ જાહેર થયાની તારીખથી એક વર્ષની અંદર તે ઈચ્છે ત્યારે આ ઇનામ મુજબ મનપસંદ ગુજરાત દર્શનની સગવડ મળશે. વિજેતાએ એક સાથે સળંગ પાંચ દિવસ અને ચાર રાત્રીનું પેકેજ પસંદ કરવાનું રહેશે. તેમાં બ્રેક પાડી શકાશે નહીં. આ પેકેજનો લાભ લેવા માટે વિજેતાએ સ્વખર્ચે ગુજરાતના કોઈ એક એરપોર્ટ કે રેલવે સ્ટેશને પહોંચવાનું રહેશે. આયોજનમાં અનુકૂળતા રહે તે માટે વિજેતાએ પ્રવાસ શરૂ કરવાના પંદર દિવસ અગાઉ જાણ કરવી અનિવાર્ય છે.


* કુલ ૧૦૦ પ્રોત્સાહક ઇનામો

ભારત સિવાયના દેશોમાંથી ભાગ લેનારા અને પ્રથમ ૧૦૦માં આવનારા સ્પર્ધકોને માનનીય મુખ્યમંત્રીશ્રી નરેન્દ્ર મોદીના પુસ્તકો તેમના હસ્તાક્ષર સાથે મળશે.


###વિવિધ ભાષાઓમાં વધુ વિગતો માટે…જસ્ટ ક્લિક ઓફિશ્યલ ઓનલાઈન લિંક :

http://www.gqworld.in/

 
19 ટિપ્પણીઓ

Posted by on ઓક્ટોબર 13, 2011 in contests, gujarat, heritage, india, travel, youth

 

આખી વાર્તા લખો, અડધો લાખ જીતો !

મારી મધુ રાય માટેની મહોબ્બત અને મધુ રાયની સાહિત્ય પ્રત્યેની ચાહત માટે વધુ કંઈ કહેવાનું હોય નહિ.

…અથવા તો એટલું બધું કહેવાનું મન થાય, કે મૂળ મુદ્દો બાજુ એ જ રહી જાય! 😛

મૂળ મુદ્દો, એટલે અહીં વિગત આપવામાં આવી છે , એ વાર્તામાંધાતા મધુ રાયના સંપાદનમાં શરુ થનાર “મમતા”  મન્થલી મેગેઝીન માટે જાહેર થયેલી માતબર ઇનામોવાળી વાર્તાસ્પર્ધા. જેમા સંકળાયેલા નામો અંગત સંગતના છે , અને સદનસીબે પંગતમાં ખરેખર નવા લેખકો જ આવી શકે એવી આવકારપાત્ર તક છે. વિશેષ વિગતો વાંચી લો.

યાદ રાખજો,

every creator needs to be a storyteller

અને મારો જાતઅનુભવ :

to find stories – experience life, explore literature!

ઓલ ધ બેસ્ટ. હલ્લા બોલ…:)

Description: Narrow horizontal
ચંદ્રમણિ પ્રકાશન
*       
આવતી કાલના વાર્તાકારોનું આજનું માસિક
 
ગુજરાતી ભાષામાં હાલ બીજા સાહિત્યપ્રકારોની સરખામણીએ વાર્તાનું સ્વરૂપ ગુણવત્તા અને ફાલની દૃષ્ટિએ ઝંખવાઈ રહ્યું છે. ત્યારે સશક્ત, અને તેજસ્વી એવા નવા વાર્તાકારોની નવી શ્રેણીના ઉદગમ, સંવર્ધન અને પ્રતિષ્ઠા કરવાના એકમાત્ર ઉદ્દેશ સાથે વાર્તાકાર મધુ રાયના સંપાદન હેઠળ અને બીજા કેટલાક સમર્થ સાહિત્યકારોના સહયોગમાં ખાસ નવોદિતો માટેના નવા વાર્તામાસિક ‘મમતા’નો પ્રારંભ તા, ૧૧–૧૧–૧૧થી થઈ રહ્યો છે.
આ ઝુંબેશના પહેલા ચરણરૂપે વાર્તાક્ષેત્રે નવી પ્રતિભાઓને શોધીને બહાર લાવવા માટે ‘મમતા’એ એક વિશેષ વાર્તા સ્પર્ધાનું આયોજન કર્યું છે. અને તેમાં ભાગ લેવા માટે જાણ્યા-અજાણ્યા તમામ વાર્તાકારોને જાહેર નિમંત્રણ છે,
 
આ વાર્તાસ્પર્ધાના નિયમો:
1. વાર્તા સ્પર્ધાનું પરિણામ જાહેર થયાની તારીખ સુધીમાં જેમનું એક પણ પુસ્તક પ્રકટ ન થયું હોય તેઓ જ આ સ્પર્ધામાં ભાગ લઈ શકશે.
2. વાર્તાનું લખાણ સરળ હોય ને વાર્તાતત્ત્વ સુરેખ હોય તે જરૂરી છે.
3. વાર્તા કોઈ સામયિક, દૈનિક, રેડિયો, ઇન્ટરનેટ કે બીજે કશેય પ્રકાશિત કે પ્રસારિત થયેલી ન હોવી જોઇએ.
4. વાર્તાની શબ્દસંખ્યા મહત્તમ ૨૦૦૦ શબ્દોની છે. (લઘુતમ ૭૫૦ શબ્દો) તે ઓપન વર્ડ ફોર્મેટમાં ટાઇપ કરેલી હોય અને તેની જોડણી સાર્થ શબ્દકોશ અનુસાર હોય તે ઇચ્છનીય છે. (સાર્થ માટે સંદર્ભ : www.gujaratilexicon.com)
5. વાર્તાના મથાળે માત્ર વાર્તાનું શીર્ષક જ હોવું જોઇએ. લેખકનું નામ, સરનામું, ટેલિફોન, સેલ ફોન નંબર અને ઇ–મેલ આઇડી એક અલગ કાગળમાં જે તે શીર્ષક્ના સંદર્ભ સાથે આપવું અનિવાર્ય છે.
6. એક વ્યક્તિ ધારે તો એકથી વધુ વાર્તા મોકલી શકે છે, સ્વયંવિવેક ઇચ્છનીય.
આ સ્પર્ધામાં પ્રથમ આવનાર વાર્તાને રૂા.૫૧,૦૦૦નું ‘અશોક હર્ષ’ પારિતોષિક અમેરિકાવાસી સાહિત્યપ્રેમી દેવેન્દ્ર પીર તરફથી અને બીજા અને ત્રીજા સ્થાને આવનાર વાર્તાઓને ‘મમતા’ તરફથી રૂા. ૨૧,૦૦૦ અને રૂા. ૧૧,૦૦૦નાં પારિતોષિકો એનાયત થશે.
સ્પર્ધામાં આવેલી તમામ વાર્તાને પ્રકટ કરવાનો પ્રથમ હક ‘મમતા’ માસિકને રહેશે. ઈનામી સિવાયની વાર્તાઓ પણ પ્રગટ થયે તેનો યોગ્ય પુરસ્કાર પણ ચુકવવામાં આવશે. પણ તે દરમ્યાન એ વાર્તાને પ્રગટ કરવા માટે અન્યત્ર મોકલી શકાશે નહિં.

સ્પર્ધકે વાર્તા સાથે પોતાનો વાર્તા સંગ્રહ પ્રગટ ન થયો હોવાની, અને મોકલેલ વાર્તા સંપૂર્ણપણે પોતાની મૌલિક અને અપ્રગટ હોવાની, અને પ્રગટ કરવા માટે ક્યાંય મોકલી ના હોવાની, અને હવે ક્યાંય મોકલશે નહીં તેવી બાહેંધરી સાથે આશરે પચાસ શબ્દોમાં પોતાનો પરિચય અને પાસપોર્ટ સાઇઝનો ફોટોગ્રાફ મોકલવો જરૂરી છે.
સ્પર્ધકો પોતાની વાર્તાની એક નકલ સાચવી રાખે તેવું સૂચન છે, કારણકે વાર્તાની હસ્તપ્રત પાછી મોકલવાનું શક્ય નથી. સ્પર્ધામાં પારિતિષિકો માટે નિર્ણાયકોનો નિર્ણય આખરી ગણાશે. પરિણામના અનુસંધાનમા કોઇ વાંધા કે વિવાદને માટે અવકાશ નથી. આ સ્પર્ધા અંગે કોઈ પત્રવહેવાર, એસએમએસ કે ફોનચર્ચા થશે નહીં.
વાર્તા મોડામાં મોડી ડિસેમ્બર  ૩૧, ૨૦૧૧ સુધીમાં નીચેના સરનામે મળી જશે તો જ સ્પર્ધામાં ભાગ લેવાને પાત્ર ગણાશે..
વાર્તા મોકલવાનું સરનામું:
વાર્તા સ્પર્ધા
કેર ઓફશ્રી એ. વી. ઠાકર,
૯૭૭/૨, સેક્ટર ૭–સી,
પથિકાશ્રમ બસ ડિપોની સામે,
ગાંધીનગર ૩૮૨ ૦૦૭

*વર્ડ કે પીડીએફ ઇ–મેઇલથી મોકલવાનું સરનામું  mamatamonthly@hotmail.com.

 

*update : મિત્રો મુરબ્બી મધુબાબુનો એક મેઈલ અંગ્રેજીમાં મળ્યો છે…જેમાંની આવશ્યક વિગતો અહીં મુકું છું.

 

mamata, the brand new short story magazine, edited by madhu rye is out.

 

# ‘lokarpan’ ceremony by the film idol paresh raval is on november 17, 2011 at bhartiya vidya bhavan, andheri campus, mumbai at 6pm. (along-with story reciting by various dignitaries.)

 

 #for USA home delivery plz send your name, address, phone number, email id with a check for is $30 (introductory subscription for 12 issues) to “chicago art circle”, 1468 sandburg dr, schaumburg, illinois 60173,

 

or you may request a sample copy by emailing your address (sub: mamata sample copy).

 

# for home delivery in INDIA, plz send your name, address, phone number, email id with a check for is Rs.150 (introductory subscription for 12 issues) to “mamata monthy”, 977/2 Sector 7-C, Gandhinagar. 382007

 

or you may request a sample copy by emailing your address (sub: mamata sample copy)

 

# some usa friends have even gifted 5, 11, or 25 subscriptions to their friends and relatives in india @ Rs. 150 each as the new years gift. just a thought…

 

* મમતા કાર્યાલયનો ફોન નંબર : ૦૭૯-૨૩૨૩૩૬૦૧ / ઇમેઈલ : mamatamonthly@ hotmail.com

 

* અગત્યની વાત : ઉપર જણાવેલ ‘મમતા’ વાર્તા સ્પર્ધાની તારીખ ૩૦, ઓક્ટોબર , ૨૦૧૧ને બદલે હવે લંબાવીને ૩૧ ડીસેમ્બર , ૨૦૧૧ કરવામાં આવી છે , તેની ખાસ નોંધ લેવી. માટે હજુ ય રસ ધરાવતા મિત્રો કંઇક વિચારી શકે છે, વાર્તા લખી મોકલી શકે છે. એ અંગેના નિયમો અહીં લખાયેલા છે જ. ધ્યાનથી વાંચી જવા. એક વ્યક્તિ એક થી વધુ વાર્તા મોકલી શકે, એટલે આગળ વાર્તા મોકલી હોય એ ય નવી કોઈ વાર્તા મોકલી શકે હજુ પણ. પણ પછી વાર્તાઓનો ઢગલો ઇનામ જીતવાની લાલચે કરવાનો ના હોય, બે-ચારથી અટકવાનું હોય એ સાદી સમજની વાત છે. 😛 મધુ રાયનો મૂળ હેતુ નવોદિત વાર્તાકારોને પ્રોત્સાહન આપવાનો અને નવી પેઢીમાં છુપાયેલા વાર્તાકારને જગાડવાનો છે, એટલે જો પ્રાથમિક સુઝ-સમજ હોય તો પરિણામ કે નંબરની ફિકર વિના વાર્તાલેખન પર હાથ અજમાવી શકાય. ના ફાવે તો નબળી વાર્તા લખવાનો કોઈ દંડ નથી. આ માટેની તાલીમ શું? એવું થાય તો ઉત્તમ સ્વદેશી-વિદેશી વાર્તાઓ વાંચો અને વિચારો કે એ કેવી રીતે લખાય છે, કેમ અસરકારક બને છે. એમાં શું હોય છે, નથી હોતું..અને પછી પોતાનો મૌલિક ચીલો કંડારો. જેમની અન્દર ટેલન્ટનો વિસ્ફોટ છે, એ તો કોઈને પૂછવા નથી જતા. સારું લખતા જ હોય છે. પણ થોડું મઠારવાની અને સંકોચ દૂર કરવાની જ એમને જરૂર છે. ( મમતાના પ્રથમ અંકમાં એવો ઉલ્લેખ છે કે વાર્તાઓ પસંદ ઇનામ માટે ના થાય, પણ એમાં જરૂરી ચમકારો દેખાય તો, એવા ઉગતા વાર્તાકારોને વધુ સારું લખવા માટે માર્ગદર્શન પણ અપાશે. એમની વાર્તાઓ સુધારા પછી યોગ્ય લાગે તો છપાશે. પણ એ માટે ય એન્ટ્રી મોકલાવવી તો પડે ને ! )

 

* અને છેલ્લે  : મમતા વાર્તા સ્પર્ધાની અગાઉની ( હવે ફરી ગયેલી ) તારીખ પૂરી થતા જ કેટલાક ઉત્સાહી મિત્રોએ મારાં પર ફોન / મેઈલ / મેસેજનો મારો ચલાવ્યો. 🙂 એમનો ઉમંગ અને થનગનાટ બરાબર સમજી શકું છું. પણ જીવનમાં આગળ નીકળવા માટે ક્રિએટીવીટી ઉપરાંત થોડી કોમન સેન્સ પણ જરૂરી છે. 😀 કોઈ પણ આવી સ્પર્ધાનું પરિણામ અંતિમ તારીખના બીજા જ દિવસે / અઠવાડિયે કદી યે જાહેર થઇ શકે ખરું? બધી એન્ટ્રી ભેગી થાય, એ નોંધાય પછી એક થી વધુ નિર્ણાયકોને ( અલગ અલગ સ્થળે) મોકલાય, એ વાંચે વિચારે, ચર્ચા કરે પછી જ પરિણામ આવે ને? આટલી બુનિયાદી સમજ ભણેલા દોસ્તોમાં પણ હોય નહિ એ ટ્રેજીકોમેડી છે. જીવનની સમજણ કાચી રહે, તો કદાચ વાર્તાની ય કાચી રહે. અને વાર્તાની પાકી રહે, તો પણ જીવનની કાચી રહે તો થઇ રહ્યું. આ ટકોર ઉતારી પાડવા નહિ, પણ ધ્યાન ખેંચવા જ કરું છું. જો હું સ્પર્ધાની વિગત અહીં મુકું, તો રિઝલ્ટની પણ મુકું જ ને? એટલી ધીરજ પણ અપેક્ષિત હોય. હું અગાઉ પણ લખ્યું છે એમ એક શુભેચ્છક તરીકે સારા હેતુથી આ બધીં માહિતી પહોંચાડું છું. બાકી સ્પર્ધાનો ના હું સર્જક છું, ના નિર્ણાયક છું. તો, ચાલો, હવે ઘણું જાણી લીધું..મમતાના અંકોમાં વાર્તાઓ માણો અને ઝટ સરસ વાર્તા લખીને મોકલાવો. ઓલ ધ બેસ્ટ 🙂

 



 

 
38 ટિપ્પણીઓ

Posted by on સપ્ટેમ્બર 7, 2011 in art & literature, contests, gujarat

 

contest : wanna win IPAD?

since decades, American center at mumbai is doing fantastic activities. After my visit as state department guest to USA, I always love to be a part of it. As an alumni also support them in whatever ways I can do. i got some nice and co-operative friends there who want to connect with Gujarat and India in various ways. here is information of their latest event. please spread it to all interested candidates, we have infact more interest in US of A. so take a bow !  HURRY UP. only couple of days left and there are IPADs, IPODs n CELLPHONES to be won..come on 🙂

Knowledge USA Quiz :  September 8, 2011

To commemorate the 7th anniversary of the American Corner, Ahmedabad Management Association (AMA), the third Knowledge USA Quiz will be held on September 8th, 2011.  The quiz is produced by the American Center Mumbai in partnership with the Ahmedabad Management Association and Inductotherm, Pvt. Ltd.

College students over the age of 18 years are invited to form teams of two to compete in person at the AMA on September 8th, starting at 9:30AM.  Registration is open to any college student studying in the states of Gujarat, Maharashtra, Madhya Pradesh, Chhattisgarh, and Goa.  Registration forms, including the signature of a school official, must be submitted no later than September 4th to the American Corner in Ahmedabad.  The quiz will include an initial written elimination round, an audience round, and a finalists round.  The public is invited to attend the quiz, starting at 03:00 p.m.

Prizes for the top three teams are two Ipad 2 tablet computers, two Ipod Touch devices, and two Nokia mobile phones.   Full details on the Knowledge USA Quiz, including rules and registration forms are available on the Mumbai American Center facebook page: http://www.facebook.com/amcentermumbai

Time
Thursday, September 8 · 9:30am – 5:00pm

Location
American Corner, Ahmedabad Management Association

Dr. Vikram Sarabhai Marg
Ahmedabad, India

Created By

More Info
Win iPads, iPod Touch and mobile phones! Send in your nominations before September 4 and the first 100 teams to sign up will participate in the Knowledge USA Quiz.

CLICK “See More” BELOW TO SEE THE ENTIRE REGISTRATION PROCESS!

The Knowledge USA Quiz will test your knowledge in the areas of American history, politics, culture, geography, literature, leaders, inventors and commerce and industry. Read more about the format and rules at this link – http://mumbai.usconsulate.gov/media/pdf-home/format-and-rules.pdf

Who can participate: The quiz is open to students above the age of 18 from Western India (Chhattisgarh, Goa, Gujarat, Maharashtra and Madhya Pradesh). Students should be in teams of two and from the same College.

How to participate:
1. NOMINATION FORM
– Print the Nomination form available at this link – http://mumbai.usconsulate.gov/media/pdf-home/nomination-form.pdf
– Complete the Nomination form and get it stamped and signed from your principal/professor.
– Send the Nomination form, before September 4, 2011 to Mr. Mukund Patel, Librarian, American Corner, Ahmedabad Management Association, ATIRA Premises, Dr. Vikram Sarabhai Marg, Ahmedabad 380015

*The first 100 students who send in their Nomination forms will receive a confirmation.

2. DECLARATION FORM
– Print the Declaration form available at this link – http://mumbai.usconsulate.gov/media/pdf-home/declaration2.pdf
– Complete the Declaration form and get it stamped and signed from your principal/professor.
– Present this completed Declaration form at the registration counter along with your current college identity card.

3. REGISTRATION
– Registration is at 9.30 a.m. on Thursday, September 8, 2011 at Ahmedabad Management Association.

Note: The provision of false documentation or statements will be grounds for dismissal from the quiz, and forfeiture of any prizes won.

Organized by:
The American Center of the U.S. Consulate General, Mumbai and American Corner, Ahmedabad Management Association with support from Inductotherm (India) Pvt. Ltd.

all d best 🙂 happy quizzing !

 
2 ટિપ્પણીઓ

Posted by on સપ્ટેમ્બર 2, 2011 in contests, education, gujarat, youth

 

ગુજરાત@૨૦૬૦ : ખૂશ્બુમાં ખીલેલા ફુલ? આંસુમાં ડૂબેલા જામ?

બ્રેઇનની ચીપ વાઇબ્રેટ થવાની સાથે જ જેવીથ્રીની આંખો ઉઘડી ગઇ. એલાર્મ એના સેટ ટાઇમ મુજબ જ વાગ્યો હતો. મગજમાં એકસ્ટ્રા મેમરી ઇનપુટ ડિજીટલી ફીડ કરવાની વાત સાવ સાહજીક હતી અને એલાર્મ ક્લોક કે મોબાઇલનો મોહતાજ નહોતો. જેવીથ્રીએ આંખો ચોળતા ચોળતા દીવાલ પર આંગળીથી ઠપકાર્યું. ફિંગર ટચ સેન્સર સાથે જ વોલ પર સ્ક્રીન શરૂ થઇ ગયો. દ્રશ્યોની ધમાચકડી વચ્ચે ફ્‌લેશ થતા કંપનીના સ્ટોક ઇન્ડેક્સના ભાવો પર જેવીથ્રીની નજર ધુમવા લાગી. સ્પેસમાં રિયલ એસ્ટેટની તેજી ભડકે બળતી હતી. પૃથ્વી પરની બધી જ જમીનોના સોદા થઇ ગયા પછી બ્રહ્માંડમાં લેન્ડ ગ્રેબિંગના સ્પેક્યુલેશન થતા હતા.

જેવીથ્રીએ આળસ મરડી. વોલમાંથી એક ટ્રે તરત જ બહાર આવી. એમાં નાનકડી રંગબેરંગી કેટલીક કેપ્સ્યુલ્સ હતી. એ ગળી જઇને એણે તરત જ બાજુના બેઝિનનો નળ ચાલુ કરી પાણીનો ધૂંટડો ભર્યો. જેવીથ્રીનો બ્રેકફાસ્ટ થઇ ગયો હતો. હવે આખા ગુજરાતમાં સેન્ટ્રલ વોટર પ્યુરિફાયર યુનિટ્‌સ હતા. દરેક લાઇનમાં પીવા જેવું ચોખ્ખું પાણી લાંબાલચ દરિયા કિનારામાંથી મીઠું થઇને જ આવતું હતું. ઓબેસિટીના ભયાનક વધારા અને અવનવા વાઇરલ રોગચાળા પછી ન્યુટ્રીશનીસ્ટ્‌સે બધી જ ગુજરાતી વાનગીઓ પોઇઝનસ અને પ્રોહિબિટેડ જાહેર કરી હતી.

હવે ઢોકળા, ફાફડા, પાણીપુરી, બટાકાપૌઆ બઘું જ પ્રોહિબિટેડ હતું. પુરી, શીરો, સમોસા, પિઝા, ભેળ, ઢોસા, લાડુ, શિખંડ કશું જ નવી જનરેશનમાં કોઇને પચતું નહોતું. વિજ્ઞાનીઓએ બધાના ટેસ્ટ્‌સની કોન્સન્ટ્રેટેડ ફ્‌લેવરવાળી ટેબ્લેટ્‌સ બનાવી લીધી હતી. બધા પોષક દ્રવ્યો એમાં જ આવી જતા હતા. દાંત હવે ચાવવા માટે નહીં, પણ કોસ્મેટિક પર્પઝથી ફલોસ કરવાના રહેતા હતા. જેવીથ્રીએ ઝટપટ વેપોરાઇઝર ચાલુ કરીને વરાળિયું સ્નાન કર્યુ નવા ઇલેકટ્રિક બ્લ્યુ અને મેજેસ્ટિક રેડ કલરના ટી-શર્ટ-શોર્ટસ પહેર્યા. એના ફેવરિટ બાઉન્સી શુઝ પહેર્યા.

બોડી સાથે શુઝના સેન્સર કનેક્ટ થઇ રોજ સવારે જ એના આખી બાયોરિધમનો ચાર્ટ આપી દેતા હતા. કાંડા પર આઇ-બેલ્ટચડાવ્યો. હવે લેપટોપ કે મોબાઇલ ભૂતકાળની વાતો હતા. બઘું જ આઇબેલ્ટમાં આવી જતું હતું. જ્સ્ટ એક સ્વીચ ક્લિક કરવાથી હવામાં જ ચાહો તે સાઇઝનો હાઇરિઝોલ્યુશન સ્ક્રીન તરવરતો હતો જેમાં ટચ કરીને એન્ટર થવાનું, જે ન્યૂઝ કે અનેટરટેઇનમેન્ટ જોવા હોય એ એમાંથી મળતા. બૂક્સનો બોજો સાવ નીકળી ગયા હતો. જેવીથ્રીના ફાધરે જ સ્ટીવ જોબ્સના વારસદારો પાસેથી આઇબેલ્ટની એજન્સી મેળવી હતી. હજુ યે બહાર બીજે જ થતી બધી શોધોનું ટ્રેડીંગ કરવામાં ગુજરાતીઓ રિચ થતા જતા હતા.

જેવીથ્રીની ઉંમર કોલેજે જવાની હતી પણ હવે કોલેજોમાં જવાનું નહોતું. ફેવરિટ ટીચર્સના વર્યુઅલ લેકચર્સ એડમિશન પછી મળતા સ્માર્ટકાર્ડથી ડાઉનલોડ કરવાના રહેતા. એસાઇનમેન્ટસ ઓનલાઇન સબમીટ થઇ જતા. ઇન્ફેકશનની બીકને લીધે કોઇ કલાસરૂમમાં જતું નહીં. ઇનફેક્ટ, મોટી મોટી સોસાયટીઓ ફરતા ઇનક્યુર્બેટેડ ડોમ હતા. કલાઇમેટ બહુ જ ડિસ્ટર્બ રહેતું હતું. બહાર! એટલે ડોમમાં સતત ઇલેક્ટ્રોમેગ્નેટિક સિરિઝથી નયનરમ્ય દ્રશ્યો ઉભા કરી શકાતા હતા. આસપાસ કસ્ટમાઇઝડ આકાશ..જંગલ…ને એવું બધું લાગે. મોંઘી સોસાયટીમાં તો વોલપેપરની જેમ ડેઇલી વિઝ્યુઅલ્સ ફરતા જાય. બગીચો રોજ નવો લાગે. હવે ડિગ્રી કોર્સીઝ તો હતા નહીં. સ્પેશ્યલ સબ્જેક્ટ પર પ્રોજેક્ટ કરીને જ ગ્રેજ્યુએટ થઇ શકાતું. એક્ઝામ્સ દર વર્ષે પણ અમુક અમુક સમયે કોમ્પ્યુરાઇઝડ રીતે જ આપવાની થતી. બાકી વર્ચ્યુઅલ ડિસ્કશન્સ એન્ડ સ્પોર્ટસ!

ઓહ સ્પોટ્‌ર્સ! જેવીથ્રીને બહાર મેદાનમાં રમવા જવાનું બહુ મન થતું. પણ હવ બધી જ સ્પોર્ટસ ગેમિંગ સોફ્‌ટવેર્સ પર રમાતી. રોજ બે વખત એક ટ્યુબ જેવી ચેમ્બરમાં સુઇને મસાજ અને એવી એક્સેસાઇઝ ઘેર કરવાની રહેતી ડાયેટ તો પ્રિસ્ક્રાઇબ્ડ ન્યુટ્રીશન્સનો જ હતો. હજુય ક્યાંક જૂના પેઢીના લોકો સિંગતેલની દાણચોરીના પ્રયત્નો કરતા એવું જેવીથ્રીએ સાંભળ્યું હતું. પણ ફ્રાઇડ ફૂડ પર પ્રોહિબિશન હતું. જેવીથ્રીએ હુતુતુતુ ૩.૫અપલોડ કરી રમવાનું ચાલું કર્યુ. ક્યારેક એણે વિન્ટેજ હેરિટેજનો ચસ્કો લાગતો.એટલે હમણા પ્લેનેટ પ્રિઝનછોડીને એ આ ગેઇમ ખરીદી લાવ્યો હતો.

જેવીથ્રીને તરત કંટાળો આવ્યો. ૨૦૬૦નો આ ભયાનક રોગ હતો. બોરડમ. કંટાળો. નથિંગ ઇઝ હેપનિંગ. એમાંથી ડિપ્રેશન આવતું. પછી લોન્લીનેસ ફીલ થતી જેવીથ્રી યંગ હતો. હવે મમ્મી-પપ્પા સાથે રહેવાનું નહોતું. જેવીથ્રીને આમ પણ પેરન્ટ્‌સ સાથે થોડા ઇસ્યુઝ હતા. જેવીથ્રીને લવ થયો હતો. એનું નામ હતું. બી.ટી. ફાઇવ. એની આંકોમાં ગ્રીન શેડ્‌સની લાઇટ જેવીથ્રીને ગમતી. ફર્સ્ટ ડેટ પર બંનેએ વર્ચ્યુઅલ કિસ કરેલી. ઓહ! સ્ટિલ ઇટ્‌સ સો એકસાઇટિંગ. બહાર ગયા વિના જ માત્ર એક હેડગીયર પહેરીને પોતપોતાના ઘરમાં બેસી બંને સાઇબરડેટ પર જઇ શકતા. સાથે રહેવું જરૂરી નહોતું પણ લવ થાય તો જ સાઇબરડેટની કનેક્ટિવિટી મળે. બી.ટી. ફાઇવ વોઝ ક્રેઝી, ફની એન્ડ હોટ ગર્લ. પણ એ હાફરોબોટિક હતી. ત્યારે જીનેટિક એક્સપેરિમેન્ટ્‌સ સાથે રોબોટ્‌સનું ફયુઝન કરવામાં આવેલું. જેવીથ્રીના પપ્પાને પસંદ નહોતું કે કિડ્‌સ પેદા ન કરે એવી હાફરોબોટિક છોકરી સાથે છોકરો એફેર કરે.

પણ જેવીથ્રીને ક્યાં મેરેજ કરવા હતા? હવે ભાગ્ય જ કોઇ મેરેજ કરતું બધા બસ લિવ ઇનમાં મન પડે તો સાથે રહેતા, પણ બહુ લાંબો સમય સાથે ન રહી શકતા. એડજસ્ટમેન્ટ્‌સ કોમ્પિલિકેટેડ લાગતા. એટલે એકસાથે અલગ અલગ રિલેશન્સ રાખી, પ્રાઇવસી જળવાય એમ બધા ઇન્ડિવિજ્યુઅલ ફ્રિડમથી રહેતા. પણ જેવીથ્રીને તો રોમાન્સ કરવો હતો. એમાં એની કરિઅર તરફ ઘ્યાન નહોતું રહેતું. એ સારો બાયોટેકનોલોજીસ્ટ બની શકે તેમ હતો. એમ તો એણે પહેરીને અદ્રશ્ય થઇ શકાય એવો સૂટ પણ ડિઝાઇન કર્યો હતો.

બપોર થવા આવી. જેવીથ્રી વિચારે ચડ્યો. આજે બીટીફાઇવ ઓનલાઇન નહોતી. જેવીથ્રીને થયું, આજે નવું એક્સ્પ્‌લોરેશન કરવું જોઇએ. ઇટ્‌સ હાઇ ટાઇમ. એને પોતાની ગુજરાતી રૂટ્‌સ માટે ગર્વ હતો. એ ઘણી વખત જૂની જૂના વસ્તુઓ લઇ આવી મ્યુઝિયમમાં સાચવતો. અગાઉ જે અખબારો આવતા એની પૂર્તિઓના લેમિનેટેડ ટુકડાઓ એના કલેકશનમાં રહેતા. ગુજરાતમાં અગાઉ બધા બહુ પહેરતા એવી વ્હાઇટ ખાદીનો એક શર્ટ પણ એણે જાળવેલો. એને ગુજરાતી ભાષા થોડી થોડી ઉકેલતા ફાવતું હતું. એણે જાણ્યુ હતું કે એના દાદાનું નામ જાજવલ્ય વૈદ્ય હતું. પણ પછી એવી નામો બોલવામાં ટંગ ટ્‌વીસ્ટને એવી બધી તકલીફ પડતી હતી. એટલે હવે આવા જ નામો આવતા જતા હતા. ક્યારેક જેવીથ્રી કોઇ કાગળના ટુકડા પર કવિતાથી ફેસિનેટ થયો હતો. પણ કેટલાક ગુજરાતી મુવી રિસ્ટોર કરીને જોયા પછી એને બીક લાગતી હતી. એને જોકે ક્લાસિક મ્યુઝિક સાંભળવું ગમતું .આર્કાઇવ હિસ્ટ્રીમાં બધા ફોટોગ્રાફ્‌સ પણ એણે એકઠા કર્યા હતા. ગ્રેટ લીડર્સના અને એન્ટરટેઇનર્સના.

જેવીથ્રીને રસ હતો કે ગુજરાતમાં ખૂણે ખૂણે ફરીને એક્સપીડિશન કરે. એણે સાંભયેલું કે એના આ નેટિવ પ્લેસમાં અમદાવાદ, સુરત, વડોદરા, રાજકોટ જેવા મોટા મોટા શહેરો હતા. લાયન્સ હતા, વન્સ અપોન એ ટાઇમ ડામર રોડ પર બધા છકડો રીક્ષા ટાઇપના ફની વાહનો ફેરવતા. આજે તો દસ-દસ માળના ફલાયઓવર્સ પર મેગ્નેટિક રીતે જકડાયેલી રહેતી સિંગલ સીટ કારનો જમાનો હતો. બધા હવામાં ઉડી શકતાં. ફ્‌યુલ પોલ્યુશન ન થાય એવું સોલાર ફ્‌યુઝન પાવરનું સ્ટેશન હતું.

ટ્રાફિક સેન્ટ્રલાઇઝડ રહેતો ને જામ થઇ જતો, ત્યારે ઉડીને જવું પડતું, એટલે નાના વિમાનો વાપરવા પડતા. હમણા એક નેનો હેલિકોપ્ટર પણ બહુ ચાલ્યું હતું! બુલેટ સ્પીડથી ગમે ત્યાં પહોંચી શકાતું. પણ ગુજરાત બહાર નીકળવા માટે પાસપોર્ટ જોઇએ. ઇન્ડિયા હવે એક યુનાઇડેટ ફેડરેશન હતું. કેટલાય રાજ્યો સ્વતંત્ર થઇ ગયા હતા. ત્રીજા વિશ્વયુઘ્ધ પછી લડવાની મામલે શાંતિ હતી. લાસ્ટ એટોમિક બ્લાસ્ટમાં પાકિસ્તાન પણ લગભગ ખતમ તાલિબાનોએ કર્યું હતું. એકાદી કોર્ટમાં જોકે હજુ યે પચાસ-સાઠ વર્ષ પહેલાના તોફાનોના કેસ ચાલતા હતા એવું જેવીથ્રીએ પણ સાંભળ્યું હતું.

જેવીથ્રીને બહુ બઘું કૂતુહલ થતું, જુનું જુનું જાણવાનું પણ એને લાગતું કે જાણે હિસ્ટોરિકલ ડેટા બધે જ ઓલ્ટર કરી દેવાયો છે. એ રિસર્ચ કર્યા કરતો. એમાં એને એક અન્ડરગ્રાઉન્ડ બૂઢા ગુજરાતીનું મેઇલ આઇડી મળેલું. એ ક્રાંતિકારીએ કહેલું કે એ એને ઓરિજનલ ટ્રુથની વાયોલટ રે ડિસ્ક મોકલશે, મોડી બપોરે ટેલિપોર્ટેશનથી હવાના જ મોલેક્યુલ્સમાંથી બનીને જેવીથ્રીના ડેસ્ક પર આવી. જેવીથ્રીએ પોતાના વર્ચ્યુઅલ અવતારને દરિયાકિનારાના લોકેશનની નકલ કરતા મોલમાં ફરવા મોકલેલો, એ શટ ડાઉન કરી, ડિસ્ક ઉપાડી. જેવીથ્રીએ ઝપાટાબંધ એ ચડાવી. એને હતું કશીક રહસ્યમય કહાની જાણવા મળશે. શું કામ પોતાને આ મેગામેટ્રોઝની બહાર જવા દેવામાં નથી આવતો એની ખબર પડશે. કેમ સતત યંગ કિડ્‌સ પર સર્વેલન્સ રખાય છે કે એ ગુજરાતના આઉટસ્કર્ટમાં જઇ એને એકસ્પ્લોર ન કરે? હવે ખુલાસો થશે.

સામે સ્ક્રીન પર દ્રશ્યો રચાતા ગયા. બ્લડપ્રેશર અને હાર્ટબીટ્‌સ માપતા સેન્સર રેડ લાઇટ બતાવતા ગયા. પણ હવે બધા જ ગરમ હવામાનમાં ટુ પીસ કોસ્ચ્યુમમાં ફરતા હોઇ, ૨૦૧૧ના ગુજરાતીને ઘરમાં  બિકિની પહેરી ફરતી છોકરીને જોઈને જે થાય, એ અસર જેવીથ્રીને થઇ! જેવીથ્રીની આંખો પહોળી થઇ! મોં ખુલ્લું થુયું. એને ખબર પડી કે દસ વર્ષની ઉંમરે જ એની મેમરી રિફ્રેશ કરવામાં આવી હતી. ઇનોવેટિવ ફ્‌યુચરના પ્લાન તળે! એ જે જીવે છે, એ ગુજરાત હતું. જ નહીં! ગુજરાત તો ૨૦૫૦માં જ ખતમ થઇ ગુયું હતું. આ તો એની જસ્ટ રેપ્લિકા હતી. નવા બચ્ચાં લોગને આ બઘું ખબર ન પડે એટલે બહાર જેવા દેવામાં આવતા નહીં.

ગુજરાત એક અનોખું અને અવનવું રાજ્ય હતું. ભૂકંપથી સ્વાઇન ફ્‌લુ સામેના પડકારો સામે લડીને બેઠું થઇ જતું હતું. પણ આ ગુજરાત, એની તમામ સંસ્કૃતિ સાથે ઘ્વસ્ત થઇ ગયું હતું. કારણ કે ગુજરાતીઓને મનીકોન્ડ્રિયાની બીમારીનો ચેપ બચપણમાં જ લાગી જતો હતો. ગુજરાતીઓ મોટા થતા એટલે દરેક બાબતને માણવાનું એમનું ધોરણ પૈસો બની જતો હતો. માન આપવાનું, ચાહવાનું, ભણવાનું, ઉજવવાનું,શોક રાખવાનું, શાસન કરવાનું- બઘું જ પૈસા માટે. જે પૈસા કમાય એ જ ગુજરાતી પ્રજાનો હીરો હતો. પૈસો ત્યાગનારા ધર્મગુરૂઓની શક્તિનું માપ પણ પૈસાના ભોગથી નીકળતું. અને આ બધા વચ્ચે ધર્મ, કોમ, જ્ઞાતિનું હાડોહાડ વિભાજન રહેતું. એક પ્રકારની અંદરો અંદર એકબીજાને ખાઇ જવાની રેસ રહેતી.જ્ઞાન, પ્રતિભા, કળા બઘું જ એમાં ખતમ થઇ ગયું. ગુજરાત આબાદ થયું, પણ ગુજરાતીઓ બરબાદ થયા. અંતે પાયા વિનાનું ઝગમગતું ગુજરાતી શિખર પડી ગયું!

જેવીથ્રી માથું પકડીને બેસી ગયો. એ રોજ સાંજે ડિજીટલ બાબા રેની મદદથી ‘આત્મિક હીલિંગ’ લેતો હતો. પણ આજે એનું ય એને મન ન થયું. સ્ક્રીન પર સ્ટેમ સેલની કોમોડિટી માર્કેટના સટ્ટાના ભાવ ખુલતા હતા. બંધ કમરામાં બીપથયું. સુરજ ડૂબવાનો એ સંકેત હતો. નેચરલ લાઇટ સોર્સ જતાં, આર્ટિફિશ્યલ પાવર ઓન થયો!

 

આ ‘એટેમ્પટેડ સાયન્સ ફિક્શન’ મૂળ તો બે જ કલાકમાં ૨૦૧૦ના સ્વર્ણિમ ગુજરાત ઉત્સવના અવસરે એક વિશેષ  પૂર્તિ માટે લખી હતી. એનું સંપાદન મૂળ સંપાદકોને બદલે એક જાણીતા પત્રકારે સંભાળ્યું હતું. એટલે થયું કે ચાલો, એમને માટે  ગુજરાતના ભવિષ્યની થીમ પર કશુંક સ્પેશ્યલ લખીએ. વિજ્ઞાન પત્રકારત્વના એમના રસને લીધે અચાનક વિજ્ઞાનકથા પર હાથ અજમાવવાનું મન થયું. કમનસીબે, આ હોંશથી લખી આપેલી વાર્તા કદાચ એમની બેદરકારીને લીધે ‘કિલ’ થઇ ગઈ. છપાઈ તો ખરી, પણ વાંચવામાં વરસાદી ભુવાવાળા રોડ પર બાઈક ચાલવતા હાલત થાય, એટલી ભૂલો અને ખવાઈ ગયેલા ફકરાઓ અને સાવ અસંબદ્ધ તસ્વીર સાથે!

એની વે, વિજ્ઞાનવાર્તા માટે આપણે ત્યાં અક્કરમીનો પડિયો કાણો એવો જ ઘાટ છે.  સાયન્સની સ્કૂલો ધમધોકાર ચાલે છે, પણ સાયન્સ ફિક્શન એક લખાતી નથી! અરે, વંચાતી પણ નથી! આપણે મોટા ઉપાડે પશ્ચિમ સામે બાથ ભીડવાના હાકોટા કરીએ છીએ…પણ હજુ સાયન્સ ફિક્શન ત્યાં ફિલ્મો કે બાળસાહિત્યમાં દાયકાઓથી જે રીતે વણાઈ જાય છે, એની શરૂઆત પણ કરી શકતા નથી! આ કૃતિ તો કચાશવાળી જ હશે. (એ જે કઈ દેખાય એમાં ધ્યાન દોરજો હોં કે !) પણ મિત્ર જયેશ અધ્યારુએ એ છપાઈ ત્યારે પણ મીઠી ફરિયાદ કરેલી કે અંત અધુરો લાગે છે. જો કે, મેં તો આ જ ‘એન્ડીંગ પોઈન્ટ’ વિચાર્યો હતો, ને અહીં એ રાખ્યો છે. એની અધુરપ જાણી જોઈને જ રખાયેલી છે. સાંકેતિક/સિમ્બોલિક અંતિમ વાક્ય સાથે. પણ આ બ્લોગના રીડરબિરાદરોને ઇજન છે….તમને રસ પડે તો એની સિક્વલ લખી શકો – અહીં થી વાત લંબાવી ને…બે પાત્રો જેવીથ્રી અને બીટીફાઈવ તો છે જ. વિગતે વર્ણવાયેલો સેટ અપ પણ છે. એમાં નવા પાત્રો-ઘટનાઓ નું એક્સટેન્શન કરી શકો, આગળ શું થયું એ વિચારી શકો…ને ૨-૩-૪-૫ ફકરામાં કે મેક્સિમમ હજારેક શબ્દોમાં (મીનીમમ ફાવે એટલા 😛 ) અહીં કોમેન્ટમાં પોસ્ટ પણ કરી શકો. જે સિક્વલ મને ગમશે, બેસ્ટ લાગશે – એમને એમની મહેનત બદલ મારા હમણાં પ્રકાશિત જ્ઞાન-વિજ્ઞાનના પુસ્તકોમાં થી એક પુસ્તક ભેટ મોકલાવીશ. આ બહાને પણ વિજ્ઞાનકથાના છોડને કુંપળો ફૂટે તો ભયો ભયો! સો, લેટ યોર ઇમેજીનેશન ફ્લાય !

ડોન્ટ વરી, ના ફાવે , તો આ કંઈ ફરજીયાત નથી..જસ્ટ કથા માણો, ને થાક ઉતારો 🙂

 
 
 
%d bloggers like this: